Çində mənşəli smartfon istehsalçısı DOOGEE, 12.000mAh batareyaya sahib DOOGEE S89 Pro modelini təqdim edib. Yeni telefon smartfonu ağır vəziyyətlərdə işlədənlər üçün nəzərdə tutulub.
Şirkətin açıqlamalarına görə, davamlılığı ilə seçilən S89 Pro modeli, MIL-STD-810H ABŞ hərbi standartı, IP68 suya davamlılığı ilə digər rəqiblərindən fərqlənir. Smartfon, IP69K yüksək temperatur və təzyiqə davamlılıq sertifikatları ilə yüksək səviyyədə qorunma təqdim edir. S89 Pro modeli, Mediatek Helio P90 çipseti ilə təchiz edilib. Şirkət bu smartfona 6,3 düymlük IPS LCD tipi FHD+ ekrana sahibdir. Lakin təəssüf ki, ekran həddindən artıq kobud və qalın çərçivələrə malikdir. Belə bir smartfon üçün normal olsa da bəziləri bəyənməyə bilər.
Smartfonun kamerası 64 MP əsas, 20 MP gecə görüşü, 8 MP ultra-geniş bucaqlı (eyni zamanda makro) və 16 MP selfi sensorlarından ibarətdir. Kameralar, keyfiyyətli şəkilləri çəkmək və onları optimallaşdırmaq üçün əvvəlki modellərlə müqayisədə təkmilləşdirilmiş funskiyalar qazanıb. Smartfonun dizaynı isə məqsədinə görə həddindən artıq gözəl görünür. Arxadakı nəhəng LED işıqlandırma istifadəçilər tərəfindən çox bəyənilib. Lakin müxtəlif variantlarda şəffaf olmayan dizaynlar da təklif edilir.
DOOGEE S89 Pro modeli, Android 12 əməliyyat sistemi ilə təchiz edilib. 65 Vt simli və 15 Vt simsiz enerji doldurmanı dəstəkləyən smartfon başlıqdan da bildiyiniz kimi 12.000 mAh batareya ilə gəlir. Bu da onu xüsusiyyətinə görə ən güclü edən detallardan biridir.
8GB və 256GB yaddaş modifikasiyalarına malik olan S89 Pro smartfonu AliExpress-də satışa çıxarılacaq. Smartfon iyulun 29-dək xüsusi endirimlə 240 dollar (408 azn) qiymət etiketi ilə istifadəçilərə təqdim ediləcək. S89 Pro ilə yanaşı, Doogee şirkəti S61 seriyası modellərini də təqdim etməyi planlaşdırır.
S890 PRO smartfonu haqqında siz nə düşünürsünüz? Fikirlərinizi aşağıdan rəylər bölməsində bizimlə bölüşə bilərsiniz.
