Apple uzun müddətdir üzərində işlədiyi yeni və təkmilləşdirilmiş Siri-ni istədiyi nöqtəyə çatdırmaq üçün OpenAI və Anthropic ilə danışıqlara başlayıb. Belə ki, Apple Siri-ni daha ağıllı və faydalı etmək üçün süni intellekt nəhəngləri OpenAI və Anthropic ilə danışıqlar aparır. Bloomberg-in məlumatına görə, Apple Siri-nin infrastrukturunu gücləndirmək üçün bu iki şirkətlə əməkdaşlıq axtarır.
Hər iki şirkət Apple-ın məxfilik yönümlü şəxsi serverləri ilə uyğun gələn süni intellekt modelləri hazırlayır. Apple da bu modelləri sınaqdan keçirməyə başlayıb, lakin Siri-nin bu sistemlərə tamamilə keçib-keçməyəcəyi ilə bağlı qəti qərar hələ verilməyib. Görünən odur ki, Apple indiyə qədər Anthropic-in modellərini daha uyğun görüb və tərəflər bəzi maliyyə şərtlərini müzakirə etməyə başlayıblar, lakin Anthropic zamanla Apple-dan milyardlarla dollarlıq ödəniş tələb edir.
Qeyd edək ki, Apple həmçinin öz süni intellekt modelini inkişaf etdirir, lakin şirkət hələ də onu istənilən səviyyəyə çatdıra bilməyib və istifadəçiləri daha çox gözləyə bilməyəcəyinin fərqindədir. Bir sözlə, Apple həm Siri-ni dövrü geridə qoymamaq, həm də öz sistemini inkişaf etdirmək üçün vaxt qazanmaq üçün OpenAI və ya Anthropic ilə razılaşmaq üzrədir.
