Apple mühəndisi 3 il ərzində Apple şirkətinin mühüm layihələrindən məlumat oğurlamaqda ittiham olunur. Apple mühəndisi Xiaolanq Zhang 2015-ci ildən 2018-ci ilə qədər avtonom idarəetmə texnologiyalarını əhatə edən avtomobil layihəsində işlədiyi Apple şirkətinin ticarət sirlərini oğurlamaqdan təqsirli bilinib.
Apple mühəndisi şirkətdəki işini tərk etdikdən sonra, Xpeng kimi Çinin tanınmış elektromobil markası olan “Guangzhou Xiaopeng Motors Technology” ilə işləməyə başlayıb. Zhang şirkətdən ayrılmaq üçün 2018-ci ilin aprel ayında anasının xəstə olduğu üçün Çinə getməli olduğunu söyləyib. Apple isə daha sonra köhnə işçisinin şirkətdən ayrılaraq Xpeng ilə işə başladığını müəyyən edib. Təhqiqatlar aparan Apple şirkəti mühəndisin AirDrop vasitəsilə həyat yoldaşının noutbukuna təxminən 24 GB həcmində vacib məlumatlar ötürdüyünü aşkarlayıb. Zhang, son gün San Jose Beynəlxalq Havalimanında uçmağa hazırlaşarkən federallar mühəndisi saxlayıb və məsuliyyətə cəlb edib.
Zhang olanları etiraf edib. CNBC tərəfindən paylaşılan məhkəmə sənədinə görə, keçmiş Apple mühəndisi ittihamnamədə sadalanan ticarət sirlərini oğurlamaqda günahkar bilinib. Onun cəzasını müəyyən etmək üçün 14 noyabrda məhkəmə keçiriləcək. ABŞ qanunlarına görə, ticarət sirlərinin oğurlanması maksimum 10 il həbs cəzası verir. CNBC xəbər verir ki, Zhang əlavə olaraq 250.000 dollar cərimə ilə də üzləşə bilər.
Keçmiş Apple mühəndisi olan Xialong Zhang ticarət sirlərini oğurlamaqda və ya məxfi materialı Xpeng şirkətinə ötürməkdə ittiham olunan yeganə şəxs deyil. 2019-cu ildə daha bir keçmiş Apple əməkdaşı, şirkətin avtomobil layihəsindən Çinə təlimatlar, sxemlər, diaqramlar və fotoşəkilləri keçirməyə cəhddə cəzalandırılmışdı. Həmin şəxsin işi hələ də davam edir.
Ticarət sirrinin oğurlanması halları bir neçə il əvvələ təsadüf etsə də, Apple hələ avtonom elektromobilini təqdim etməyib. Son söz-söhbətlər elektromobilin 2025-ci ildə elan oluna biləcəyini deyir, lakin layihənin Apple üçün çətin olacağı deyilir. Bu barədə düşüncələrinizi şərhdə qeyd etməyi unutmayın.
