Apple-a qarşı yeni məhkəmə iddiası texnologiya nəhənginin öz köhnə modellərini bilərəkdən yavaşlatdığını və bu iddianın milyonlarla iPhone istifadəçisinə dəymiş ziyanı ödəyə biləcəyini iddia edir.
Apple iddialardan necə qurtulacağını bilmir. Dəfələrlə “köhnə modelləri yavaşladırlar” iddiaları ilə məhkəməyə verilən şirkət, yenə də bənzər bir iddia ilə qarşı-qarşıyadır və işin ona qarşı çıxacağı təqdirdə Apple-ın ödəməli olduğu məbləğ heyrət doğurur.
Daha əvvəl də 3-cü tərəf ödəmə üsullarının bloklanması ilə bağlı məhkəmə çəkişmələri ilə məşğul olan Apple bir müddətdir ki, köhnə modellərini ləngitmək kimi iddialarla qarşılaşır. Yeni məlumatlar texnologiya nəhənginin eyni səbəbdən bu dəfə də İngiltərədə məhkəməyə veriləcəyini ortaya qoyur.
İddia edilir ki, Apple bəzi cihazların işləməsini yaxşılaşdırdığını iddia etdiyi, lakin əslində onları yavaşlatdığı proqram yeniləmələrini yükləməyə sövq etməklə hadisə ilə bağlı istifadəçiləri yanıldıb. Li-ion tərkibli batareyaların öz keyfiyyətini itirdiyi köhnə smartfonlar ani qapanmasın deyə, iPhone modelləri proqram təminatı ilə çipsetin tezliyini aşağı salırmış. Çipsetin verəcəyi performans batareyanın verdiyi volt dəyərinə uyğun sazlanıb. Performansı əvvəlki vəziyyətinə gətirmək üçün də yeni batareyanın taxılması lazım gəlir.
Hazırda İngiltərədə 25 milyon iPhone istifadəçisi var və iş iPhone-a qarşı yekunlaşarsa, 25 milyon iPhone istifadəçisinə 800 milyon funt–sterlinq həcmində şirkətin təzminat ödənilməsi gündəmdədir. İstehlakçı hüquqlarını müdafiə edən Castin Qutman tərəfindən açılan iddia 2017-ci ildə istifadəçilər üçün buraxılmış iOS 10.2.1 yeniləməsinə bu problemlə bağlı istinad edir.
Bu yeniləmə ilə cihazlarında performansını itirmiş iPhone modelləri iPhone 6, 6 Plus, 6S, 6S Plus, SE, 7, 7 Plus, 8, 8 Plus və X olaraq sıralanır. Bu işi kütləvi ictimai aksiyaya çevirmək üçün internet saytı yaradılıb. Saytda belə ifadələr var ki, bu modelə sahib olan şəxslər işə şahidlik edə bilərlər.
Apple bu mövzuda səssiz qalmadı. Yeni modellərin satışa çıxarılmasının köhnə modellərə təsir etməyəcəyi, məqsədlərinin hər zaman müştərilərin sevdiyi məhsulları istehsal etmək və mümkün qədər uzun müddət işləməsini təmin etmək olduğunu ifadə etdi.
Bəs siz bu mözvu haqqında nələr fikirləşirsiniz? Fikirlərinizi şərhdə qeyd edə bilərsiniz.
