Dünyanın texnologiya nəhənglərindən olan Apple şirkətinə qarşı fırıldaqçılıq edən işçi 19 milyon dollar təzminat ödəməli olacaq. Xatırladaq ki, keçmiş Apple işçisi Dhirendra Prasad ötən il Apple şirkətini aldatmaq ilə günahlandırılırdı. Belə ki, o öz vəzifəsindən sui-istifadə edərək külli miqdarda pul mənimsəmək və vergidən yayınmaqda ittiham edilmişdi. 55 yaşlı Dhirendra Prasad ittihamları qəbul edərək, əməllərini etiraf edib. Beləliklə ABŞ ədliyyə nazirliyi onun barəsində 3 il həbs qətimkan tədbiri və 19 milyon dollar təzminat təyin edib.
Qeyd edək ki, Dhirendra Prasad 2008-2018-ci illər aralığında Apple şirkətində çalışıb. Belə ki, o şirkətin qlobal təchizat zəncirində vəzifə tuturdu. Kaliforniya Prokurorluğu Prasadı Apple şirkəti adından komissiya almaq, borc vermək, hissələri satmaq, şirkəti heç vaxt almadığı xidmətləri üçün vəsait ödəməyə məcbur etməkdə günahlandırırdı. Bir müddət bu ittihamları qəbul etməyən Prasad sonda bütün günhalarını etiraf edib. Nəticədə isə Apple şirkətinə 19 milyon dollar təzminat ödəməli olub. Bundan əlavə isə o, vergidən yayındığı üçün 8.1 milyon dollar vəsait ödəməli və 5.4 milyon dollar dəyərindəki müsadirə edilmiş mülkündən imtina etməlidir.
ABŞ ədliyyə Nazirliyi tərəfindən yayımlanan bir açıqlama verib. Açıqlamada qeyd olunub ki, Apple şirkətindəki mövqeyi sayəsində Prasad xeyli səlahiyyətə malik idi. Prasad Apple şirkətinə xəyanət edərək 100 minlərlə dollar əmək haqqı və bonusu mənimsəyərək öz səlahiyyətindən sui-istifadə edib. Onu da qeyd edək ki, Prasadın Apple şirkətinə təzminat olaraq verəcəyi 19 milyon dolların 2 milyon dollara yaxın hissəsi vergi olaraq tutulacaq. Beləliklə dövlət Prasaddan 15 milyon dollara yaxın vəsait tələb etmiş olur.
