Apple şirkəti, ötən günlərdə rəsmi olaraq Apple Car layihəsinə son verdiyini açıqlamışdı. Daha sonra isə ABŞ mərkəzli şirkət 2000 nəfərlik işçi qrupunu tamamilə süni intellekt tərəfinə yönləndirdiyini də elan etmişdi. Belə ki, texnologiya nəhəngi Apple Car layihəsindəki uğursuzluqdan sonra süni intellekt tərəfində cihazlarını təkmilləşdirmək üçün işə qoyulub. Ümumiyyətlə bir çox texnologiya nəhəngi son dövrlərdə süni intellekt tərəfində Apple cihazlarını qabaqlayıb. Buna ən böyük misal olaraq elə Galaxy AI xüsusiyyətlərinə sahib olan Galaxy S24 seriyasını misal göstərmək də olar. İndi isə ortaya çıxıb ki, Apple süni intellekt hazırlanmasında ixtisaslaşan Kanadalı DarwinAI startapını səssizcə satın alıb.
Analitiklərə görə, bu satınalma şirkətə mobil cihazlarda süni intellekt texnologiyalarını inkişaf etdirməyə kömək edəcək. Sövdələşmənin bir hissəsi olaraq DarwinAI işçiləri, Waterloo Universitetinin süni intellekt üzrə tədqiqatçısı və əldə edilən startapda əsas fiqur olan Alexander Wong-un rəhbərlik etdiyi Apple-ın süni intellekt bölməsinə keçdilər. Apple hazırda iOS 18-i inkişaf etdirir və gələcək iPhone əməliyyat sisteminə generativ süni intellektə əsaslanan funksiyaları aktiv şəkildə əlavə edir. Qeyd edək ki, yeni süni intellekt xüsusiyyətləri macOS 15-in bir hissəsi kimi də qarşımıza çıxacaq.
Yeni süni intellekt xüsusiyyətləri Tim Cook 2024-cü ildə Apple-ın süni intellekt texnologiyaları sahəsində “gələcəyi yenidən müəyyənləşdirəcəyini” vəd etmişdi. Şirkət, “zaman zaman kiçik texnologiya şirkətlərini aldığını” bildirərək, satınalma ilə bağlı əlavə şərh verməyib.
