Bu yaxınlarda DMA çərçivəsində böyük açıqlamalar verən Apple, Avropada 500 milyon avro kimi böyük bir cərimə ilə qarşılaşmaq üzrədir. Belə ki, Apple şirkəti xüsusilə “Apple Music” tərəfində rəqabətə mane olduğu üçün böyük məbləğdə cərimə ödəyə bilər. Bildirilir ki, bu Avropa Mərkəzli Spotify-ın şikayətindən sonra araşdırılıb. Digər xidmətlərin istifadəçilərə daha ucuz Apple Music alternativləri olduğunu bildirməsinə mane olduğu üçün şirkətin bu cəzanı alacağı bildirilir. Hələlik isə bu barədə ətraflı rəsmi açıqlama verilməyib.
Ümumiyyətlə, Apple və Spotify arasındakı mübahisələr son illərdə tez-tez gündəmə gəlir. Məsələn, ötən günlərdə Spotify platformasının rəhbəri Daniel Ek müsahibəsində Apple və Google-u tənqid edib. Tez-tez Apple-ın App Store-dakı 30 faizlik komissiya haqqını hədəfləyən məşhur idarəçi hətta X tətbiqindəki abunə haqqı səbəbi ilə Elon Musk-ı da tənqid edib. Məşhur CEO Financial Times-a verdiyi müsahibədə bildirib ki, Apple və Google-un nəzarət strukturu pozulmalıdır. O bildirib ki, “Mən Apple və Google-un dünya üzrə 4 milyarddan çox istehlakçının internetə necə daxil olduğuna nəzarət etməsini dəlilik hesab edirəm. Onlar təkcə qaydaları diktə etmir, həm də platformalardakı xidmətlərlə rəqabət aparırlar.”
Apple Music ilə rəqabət prosesini tənqid edən Daniel Ek, Apple-ın Spotify-dan aldığı komissiya haqqı səbəbindən rəqabət qabiliyyətinin aşağı düşdüyünü də bildirir. Hətta Daniel texnologiya nəhənginin bütün tətbiqdaxili satışlardan əldə etdiyi komissiya haqqının rəqabətə zidd oludğunu iddia edir. Beləliklə Spotify şirkətinin iddialı şikayətlərindən sonra Apple Avropada 500 milyon avro cərimə ilə üzləşəcək.
