Elon Musk Twitter şirkətinin ötən il 44 milyard dollara aldıqda bütün diqqətlər şirkətin üzərinə yönəlmişdi. Lakin çox qısa müddət sonra əslində bunun elə də yaxşı nəticələrə sahib olmayacağı məlum olmuşdu. Belə ki, Elon hər həftə yeni qərarlar çıxararaq Twitter işçilərini də qovmağa başlamışdı. Yekunda isə şirkətin dəyəri hər ötən gün azalırdı. Məhz Twitter şirkətini idarə edə bilmədiyini anlayan Elon yeni CEO da təyin etmişdi. Lakin bütün bunlar 44 milyard dollara alınan Twitter yeni adı ilə X platformasının 12 milyard dəyərə sahib olmasının qarşısını ala bilmədi.
Ümumiyyətlə heç bir sahibkar və ya iş adamı istəməz ki, aldığı məhsul sadəcə 1 il ərzində öz dəyərinin 71%-dən çoxunu itirsin. Xüsusilə də əgər bu məhsulun dəyəri 44 milyard dollardırsa zərər inanılmaz səviyyədə yüksək olur. Elon Musk-ın hazırkı X platforması Fidelity investisiya fondu firması tərəfindən yenidən qiymətləndirilib. Qeyd edək ki, Fidelity Elon-a ötən ilin aprel ayında Twitter şirkətinin 44 milyard dollara alması üçün yardım edən bir neçə investordan biri idi. İndi isə son hesabatlar göstərir ki, bu heç də ağıllı investisiya olmayıb.
Bəs şirkətin bu qədər dəyər itirməsində əsas səbəb nədir? Təbii ki, səbəbin ən başlıcası məhz Elon-un bu sahədə olan təcrübəsizliyidir. Milyardlarla sərvəti və Tesla, SpaceX kimi nəhəng şirkətləri olmasına baxmayaraq Elon Twitter üçün ideal CEO hesab oluna bilməzdi. Məhz onun davranış tərzi və platformaya etdiyi ani yeniliklə bir çox şirkətin platformaya reklam verməyi dayandırmasına səbəb olmuşdu. Məhz bu da şirkətin dəyərinin elə 10% azalması üçün səbəb yaradır. Lakin yenə də Musk-ın müsahibəsi platformanın bu qədər dəyərsizləşməsi üçün səbəb deyil. Elon şirkəti aldıqdan sonra həm loqo, həm də şirkətin adını dəyişdi və bu ani dəyişiklik reklam verənləri qorxuya saldı. Platforma əvvəllər reklam satışlarından hər rübdə təxminən 1 milyard dollar qazanırdı, lakin 2023-cü ilin bütün reklam gəliri 2,5 milyard dollar olaraq qiymətləndirilir. Bu isə 50%-dən çox azalma deməkdir.
