İlk növbədə Startup Grind nədir deyə sual versəniz ən böyük startapların, innovativ insanların, təsisçilərin və yaradıcıların birliyi hesab edilən nəhəng bir platformadır. Dünyanın 600-dən çox şəhərində mövcudluğu olmuş və 125-ə yaxın ölkədə təqribi 4 milyon startapı birləşdirən “startap ekosistemi cəmiyyətidir”. Startup Grind platformasının mərkəzi Silikon Vadisidir. 2010-cu ildən fəaliyyətə başlayan artıq 13 ildir ki, fəaliyyətini müxtəlif ölkələrdə genişləndirməyə davam edir. Startup Grind 2023-cü il üçün Azərbaycan startap ekosistemində fəaliyyətinə növbəti həftədən başlayacaq. Belə ki, Tedroid olaraq Startup Grind əməkdaşlığında Azərbaycan startap ekosisteminə dair keçiriləcək tədbirlərin 14 yanvar tarixindən etibarən start götürəcəyini elan edirik.
2023-cü ildə Azərbaycan startap ekosisteminin ilk tədbirlərindən olacaq Startup Grind-in birinci mövzusu – Azərbaycanda gələcəyin peşələri!
14 yanvar Sabah.Lab-da baş tutacaq ilk görüşün spikeri Gülnar Mirhüseynova olacaq. CELT Collages və Dərs Evi layihələrində çalışan, daha sonra Technest üzrə ilə işini davam etdirən Gülnar xanım, hal-hazırda Technest proqramının layihə üzrə baş mütəxəssisi vəzifəsində çalışır.
Əgər sizdə Azərbaycanda gələcəkdə hansi peşələrin aktual olacağını öyrənmək və eyni zamanda gələcək peşənizi seçmək istəyirsinizsə bu görüşdə qatıla bilərsiniz. Gülnar xanım həmçinin öz iş təcrübələri, layihələrin hazırlanması və idarə olunması haqqında təcrübələrini bölüşəcək və auditoriyamızın suallarını cavablandıracaq.
Tədbir növbəti həftə 14 yanvar, şənbə günü saat 14:00-da baş tutacaq. Tədbirdə iştirak etmək istəyən şəxslər ödənişsiz olaraq qeydiyyatdan keçə bilərlər. Bunun üçün aşağıdakı qeydiyyat düyməsinə basmaq, Startup Grind saytı üzərindən hesab yaratmaq və müvafiq anketi doldurmaq lazımdır. Tədbir SABAH.lab akselerasiya mərkəzində baş tutacaaq. Azərbaycan startap ekosisteminə daha yaxın olmaq və inkişaf etmək istəyirsinizsə Startup Grind əməkdaşlığında keçiriləcək bu tədbirə qatıla bilərsiniz.
