Bu istənilən şəxsə “Musiqi sizin üçün nə ifadə edir?” sualı versək yəqin ki, hərkəs musiqisiz həyatımızı xəyal etmək mümkünsüzdür cavabı verərdi. Məhz Shazam proqramının qurucularından biri olan Chris Barton da eyni fikirdədir. 2002-ci ildə Shazam Entartainment Limited olaraq qarşımıza çıxan bu xidmət istənilən musiqini sadəcə bir neçə saniyə dinləməklə onun kimə aid olduğunu və adını müəyyən edir. Chris Barton bildirir ki, mən hərkəsə sadəcə bir neçə saniyə musiqi dinləməklə proqram hazırlayacam dedikdə, hərkəs bunun mümkünsüz olduğunu düşünürdü. Lakin bir neçə ildən sonra Chris dostları ilə birlikdə bunu bacardı.
Daha əvvəl Chris Barton 8 il Google şirkətində və 4 il də Dropbox şirkətində çalışıb. Nəhayən Guard adlı şirkətini təsis edən Chris çox keçmədən dostları ilə birlikdə günümüzün ən populyar xidmətlərindən birini hazırlayıb. Belə ki, Chris Barton, Philip Inqhelbrecht, Avery Wang və Dhiraj Mukherjee tam olan 21 il əvvəl Shazam şirkətini təsis edib. Maraqlısı budur ki, şirkət Apple tərəfindən 2017-ci ildə 400 milyon dollara satın alınıb. Hazırda aylıq 100 milyondan çox aktiv istifadəçisi olan proqramın qurucularından olan Chris Barton öz uğurlu həyat hekayəsinin sirlərini InMerge Innovation Summıt tədbirində izləyicilər ilə paylaşacaq.
Qeyd edək ki, PAŞA Holdinqin təşkilatçılığı və Trendyol Qrupunun dəstəyi ilə keçirilən InMerge İnnovasiya Sammiti Bakıda korporativ innovasiyalar üzrə həvəsi olan innovatorları, aparıcı texnologiya şirkətlərini və liderləri, startapları, eləcə də investorları bir araya gətirmək məqsədi daşıyır. Sammit, öz sahələrində transformasiyanı təşviq etmək, innovasiya ekosisteminə inteqrasiya etmək və strateji şəbəkələr vasitəsilə özünü təkmilləşdirməyə kömək etmək istəyən hər kəs üçün açıqdır. 30 noyabr- 1 dekabr tarixləri arasında Bakı Konqres Mərkəzində keçiriləcək sammitdə iştirak etmək üçün bilet əldə etməyə tələsin. Yerinizi indidən tutun ki, daha görəcəyiniz çox sürpriz var və daha çox üçün izləmədə qalın!
