“Hackquarters” tərəfindən “PASHA Holding” əməkdaşlığında böyük bir hakaton başa çatdı. Belə ki, PASHA Hackathon 3.0 yeni ideyalar yaratmağa təşviq etmək məqsədi daşıyan 48 saatlıq yarışması kimi, tələbələri biznes və marketinq mütəxəssislərini, dizaynerləri və koderləri mövcud iş prosesindəki problemləri həll etməyə və Umico Market tərəfindən həyata keçirilən yeni ideyalar yaratmağa təşviq etmək məqsədi daşıyırdı. Bu sahədə olan və ya bu sahəyə marağı olanlar insanlar hakatonda bir yerə toplanaraq innovativ biznes ideyalarını və öz konsepsiyalarını yaratma imkanına malik oldular.
29, 30 sentyabr və 1 oktyabr tarixlərində keçirilən “PASHA Hackathon 3.0″ nəhayət başa çatdı. Öz sahəsində yüksək ixtisaslı 35-dən çox mentorun iştirak ilə keçirilən hakatonda ideya sahibləri üçün yüksək səviyyəli dəstək göstərildi. Ötən gün baş tutan “pitçinq sessiyasının” ardınca isə məhz bu mentorlar baş tutan “mentorluq sessiyaları” ilə komandalarla sözün əsl mənasında iç-içə olduqları günü geridə qoydular. Günün sonunda isə bizləri yekun ideyaların video nümayiş olunacağı tamamlanma və sertifikatların təqdim olunması mərasimi qarşıladı.
Son gün isə ən həll edici məqam olub finalist komandaların seçilməsi, demoday və münsiflər heyətinin qiymətləndirməsindən sonra qalib komandalar, o cümlədən mükafat mərasimi baş tutdu.
Belə ki, bu gün “PASHA Hackathon 3.0″ qalibləri rəsmi olaraq açıqlanıb. Məqsədi innovasiya sahəsindəki insanları bir araya gətirərək müəyyən problem və məsələlər üçün həll yolları tapmaq olan hakatonu uğurla bitirən 20 komanda arasından top 3 komanda pul mükafatı əldə ediblər. Birinci yerin qalibi olan Arbitage komandası 6000AZN, ikinci yer olan Spark komandası 4000 AZN, üçüncü yer olan Codage komandası 2000 AZN mükafat ilə hakatondan ayrılmaq imkanına sahib olublar. Eyni zamanda bu 3 komandanın hər biri InMerge Innovation Summit üçün də iştirak hüququ qazanıblar.
Bu qiymətləndirmə kriteriyası hakaton zamanı təqdim olunan həllərin orijinallığını və ixtiraçılığını dəyərləndirir. Hakimlər, problemləri həll etmək üçün unikal yanaşmanı göstərən növbəti və qeyri-ənənəvi fikirlər nəzərdən keçirir. Yeni konseptləri, yaradıcı problem həllərini və qeyri-standart düşünmə nümayiş etdirən həllər bu kateqoriya altında qalibiyyəti ələ alır.
PASHA Hackathon 3.0 həyat qabiliyyətli və innovativ biznes ideyaları, məhsul konsepsiyaları yaratmaq üçün böyük şəhərlərdən yerli texnoloji icmaları bir araya gətirdi. Eyni zamanda sektora xas yeni biznes imkanları yaratmaq və bu imkanların bazara çıxma müddətini sürətləndirməyə dəstək göstərdi. Hakatonu qazanan iştirakçıları uğurları münasibəti ilə təbrik edirik.
