Türkiyənin nəhəng şirkəti olan Macellan-ın fintech sahəsindəki şirkəti olan Alternatif SuperApp 4.7 milyon dollar investisiya alıb. Belə ki, Apy Ventures It Valley GDPR, Qinvest Portfolio, Fonangels və CapitalTurk Holding kimi nəhənglərin iştirak etdiyi investisiya turunda şirkət 4.7 milyon dollar sərmayə əldə edib. Həmçinin şirkət məhz bu sərmayədən sonra böyümə hədəflərinə çatmaq üçün inamla irəliləyir. Maraqlısı budur ki, Alternatif SuperAPP şirkəti gələcəkdə Azərbaycan bazarına da daxil olacaq.
Xatırladaq ki, Alternatif SuperApp ilk dəfə 2021-ci ildə Macellan şirkəti tərəfindən yaradılmışdı. Şirkətin əsas məqsədi mobil tətbiqdən istifadə edərək müxtəlif sənaye müəssisələrini rəqəmsallaşdırmaq və müştərilər üçün fintech həlləri təklif etməkdir. Hansı ki, bu həllər arasında rəqəmsal pul kisəsi, sədaqət, CRM və müştəri analitikası kimi xüsusiyyətlər mövcuddur. Həmçinin tətbiq B2C müştəriləri üçün rəqəmsal pul kisələrini bir platformada birləşdirir. Alternatif SuperAPP şirkəti fintech sahəsində bir çox imkanlar təklif etidiyi üçün ilk investisiya turunda investisiya ala bilib.
Qeyd etdiyimiz kimi, Alternatif SuperAPP Azərbaycan və BƏƏ bazarına da daxil olmağı planlayır. Şirkətin direktorlar şurasının sədri Göktürk Yetim açıqlama zamanı bildirib ki, Alternatif SuperAPP 100-dən çox brendin 1300 filialında 250 mindən çox müştəri üçün xidmətləri sürətləndirəcək. Həmçinin o, bu investisiyanın şirkətin öz potensialını ortaya çıxarmasına imkan verəcəyini də qeyd edib. Əvvəlcə Türkiyədə müştərini sayını artırmaq niyyətində olan şirkət yaxın gələcəkdə Azərbaycan və BƏƏ kimi ölkələrdə də pilot layihələrə başlamaq istəyir.
Startap ekosistemi xəbərlərini "İnnovasiya və Rəqəmsal İnkişaf Agentliyi" ilə tərəfdaşlıq çərçivəsində oxuyursunuz.
