Google çəkilən şəkillər əsasında məlumat verən Google Lens tətbiqini inkişaf etdirir. Belə ki, texnologiya nəhənginin Google Lens tətbiqi artıq dəri problemlərini aşkar edə və onların müalicə üsullarını axtara biləcək. İstifadəçilər dərilərindəki qızartı, şişmə və digər problemlərin şəklini çəkərək google lens tətbiqində problemin adını müəyyənləşdirə və ya müalicə üsullarını axtara biləcəklər. Ümumiyyətlə Google Lens istənilən mətni kopyalamaq, tərcümə etmək, bitki və heyvanları aşkar etmək, habelə digər faydalı fəaliyyətlər etmək üçün istifadə olunur. İndi isə istifadəçilər dəri problemlərini də bu tətbiq vasitəsi ilə aşkar edəcək.
İlk öncə Google Lens dəri problemlərini aşkar etmək üçün oxşar şəkillər arasında araşdırma edəcək. Yəni, istifadəçilər dərilərindəki problemin şəklinin tətbiqə yüklədikdə, bu probelmin vizual olaraq oxşarları arasında uyğunluq müəyyən ediləcək. Yekunda isə Google Lens müəyyən etdiyi problemin adını və onun müalicə yollarını istifadəçiyə təqdim edəcək. Qeyd edək ki, Google Lens indiyə qədər də bir çox xəstəlikləri və problemləri aşkar edə bilirdi.
Google yeniliyi elan etsə də, bunu istifadəçilərə təqdim etmək üçün ABŞ Qida və Dərman Adminstrasiyasından icazə almalıdır. Xatırladaq ki, Google şirkəti Lens tətbiqinə süni intellekt ilə işləyən çatbotu inteqrasiya edəcəyini I/O 2023 tədbirində elan etmişdi. Yəni istifadəçilər müəyyən bir əşyanın şəklini bura yüklədikdə və onun adının nə olduğunu soruşduqda Google Lens süni intellekt əsaslı Bard kimi cavablar verəcək.
