2018-ci ildə, Samsung və Apple hələ də telefonlarının ekranın gövdə nisbətini yaxşılaşdırmaq üzərində işləyərkən, Çin telefonları pop-up dediyimiz gövdəyə yığıla bilən kamera dizaynı ilə yeni bir istiqamət aldı. Ancaq bu dizayn bazarda uzun müddət saxlanmadı. Bir tərəfdən, quruluşun tutduğu çəki və yer kiçik deyildi. Bu araşdırma və inkişaf baxımından dizayna böyük təsir göstərdi. Buna görə də, ZTE tərəfindən atılan ilkin addımlarla mobil telefon istehsalçıları ekran altına quraşdırılmış kamera həlləri ilə müxtəlif konseptual smartfonlar buraxmağa başladılar. Hətta iki ildən az müddətdə ekranın altındakı kamera texnologiyasının tam hazır olacağı və smartfonlarda daha bir təkamül ilə ekran altı kamera texnologiyası ilə bir çox cihazın təchiz ediləcəyi düşünüldü.
Lakin ekran altı kamera texnologiyası bir çox təkrarlamalardan sonra hələ də müəyyən problemlərlə üzləşir. Bu da bazarın bu texnologiya ilə bağlı gözləntilərini olduqca zəiflətmiş vəziyyətdədir. Tanınmış insayder Digital Chat Station bloqunda, ekranın altındakı ön kamera texnologiyasının yavaş-yavaş sonlandığını və əvvəllər ekranın altındakı kameradan istifadə edən bir çox şirkətin də adi deşikli selfi kamerasına geri qayıdacağın bildirir.
Peşəkar testlərə görə, ekranın altındakı kamera sahəsinin işıq keçiriciliyi yalnız 20-30% arasında ola bilər, lakin normal telefonların ön kamera sahəsinin işıq keçiriciliyi 90%-dən çoxdur. Fərq isə çox aydındır. Yaxşı işıq şəraitində belə, ekranın altındakı kameranın selfi nəticələrini təkmilləşdirmək nəticəsiz qalır.
Üstəlik, indiki smartfonların ekran təsvir ölçüsü artdıqca, 1.5K və 2K ekranların altındakı kamera sahəsi daha çox görünməyə başlayır. Piksel sıxlığının yüksəkliyi nə kameranı gizlətməyə, nə də görüntü keyfiyyətini artırmağa imkan vermir. Digər bir tərəfdən hesabata görə istifadəçilər də selfi kamerasına artıq öyrəşiblər və ekranda selfi kamerasının olması alıcılarda ciddi problem yaratmır.
Nəticə etibarilə bu həll yavaş-yavaş öz populyarlığını itirməli olacaq. Əgər istənilən inkişaf əldə edilərsə, insayderlərə görə 2026-cı ildən bu texnologiyanın yenidən bazara qayıtdığını görə bilərik.
