İllərdir Nasa və digər kosmik tədqiqat mərkəzləri yer planetinə alternativ ola biləcək planet və ya peyk axtarışındadır. Bu dövr ərzində tədqiqatçılar bəzi planetlərin həyatın formalaşması üçün bəzi imkanlara sahib olduğunu müəyyən edib. İndi isə Kassini tədqiqat qrupu Saturnun altıncı peyki üçün “Həyatın formalaşması üçün əlverişlidir deyib”. Belə ki, söhbət Saturnun Enceladus adlandırılan peykindən gedir. Tədqiqatçılar bu peykdə həyat üçün vacib olan 6 əsas komponentin olduğunu bildirib. Bu komponentlərə isə karbon, hidrogen, azot, fosfat, kükürd və fosfor aiddir.
Qeyd edək ki, Saturnun altıncı peyki olan Enceladusda həyatın formalaşması üçün vacib olan fosfor mövcuddur. Ümumiyyətlə fosfor planetin ən vacib xüsusiyyəti hesab olunur. Fosfordan başqa bu peykdə həyatın əsasını təşkil edən digər 5 komponent də mövcuddur. Fosfor isə əsasən hüceyrələrin yaranmasında çox vacibdir. Yəni yaşamın əsas qaynağından birini də məhz fosfor təşkil edir. Xatırladaq ki, 1997-ci ildə Cassini kosmik gəmisi orbitə buraxılmışdı. Bu gəminin əsas missiyası isə Saturn və Yupiter planetlərini öyrənmək və araşdırmaq idi.
2005-2015-ci illərdə isə kosmik gəmi Saturnun Enceladus peykinin ətrafından dövrə vurub və araşdırıb. 2017-ci ildə kosmik gəminin araşdırdığı və topladığı məlumatlar yer planetinə çatmışdı. Lakin daha sonra tədqiqatçılar planetdə fosforun mövcudluğunu müəyyən ediblər. Daha əvvəllər isə Encaladus peykində digər karbon, hidrogen, azot, fosfat və kükürdün olduğu məlum olmuşdu. Beləliklə tədqiqatçılar bu peykin insan həyatı üçün və ya ümumi olaraq həyat üçün əlverişli olduğunu müəyyən edib.
