Avropa Birliyinin yeni batareya direktivi daha incə və daha yüngül noutbukların istehsalını dayandıra bilər. Belə ki, yeni qərar gözlənilməz və qəribə tələblərə malikdir. Bildiyimiz kimi, son dövrlərdə noutbuk istehsalçıları batareyaları noutbukun daxilində quraşdırırdı. Bununla da noutbuklar daha nazik dizayna və daha yüngül çəkiyə malik olurdu. Daha əvvəl istehsal olunan çıxarıla bilən batareyalara malik noutbuklar daha qalın dizayna malik olmaqla yanaşı daha ağır idi. Lakin indi Avropa Birliyi yeni batareya qərarı ilə bu dizaynın əvvəlki vəziyyətə qayıtmasını tələb edir.
Avropa Birliyinin yeni batareya direktivi qəribə tələblərə malikdir. Belə ki, yenə qərara əsasən istehsalçılar batareyaları hazırlayarkən daha çox təkrar emala məcbur edilməklə qalmayıb, eyni zamanda onları asanlıqla dəyişdirilə bilən etməli olacaqlar. Yeni qaydalar qüvvəyə minmədən əvvəl Avropa İttifaqı Şurası tərəfindən təsdiqlənməlidir. Lakin qaydalar qəbul edilib qüvvəyə mindikdən sonrakı 3 il yarım ərzində notbuklar birbaşa asanlıqla dəyişdirilə bilən batareyalarla təchiz edilməli olacaqlar. Smartfon kimi cihazlarda isə hələ ki, minimum 1000 şarj dövründə həcminin 80%-lik hissəsini qoruyan batareyalar quraşdırılması məcburiyyətə çevrilməlidir.
Ümumiyyətlə Avropa Birliyi yeni qərarın yaşıl iqtisadiyyata daha çox təkan verəcəyini düşünür. Çünkü tələb olunanlar arasında ən önəmlisi məhz təkrar emal edilən məhsullardan istifadə olunmasıdır. Hətta bu məhsulların həcminin artırılmasıdır. Qeyd edək ki, hələlik yeni batareya qərarı sadəcə noutbuklara aid edilib. Yəni smartfon və planşetlər əvvəlki dizaynına sahib ola biləcək.
