Son zamanlarda süni intellekt texnologiyalarının xüsusilə ChatGPT alətini inkişafı hökumətləri də hərəkətə keçməyə vadar edib. Ötən aylarda Avropa Birliyinin süni intellekt qanununun artıq sonuncu mərhələdə olduğundan xəbər vermişdik. Nəhayət bu gün 2 ildir hazırlıq mərhələsində olan Dünyanın ilk süni intellekt qanunu Avropada qəbul edilib. Belə ki, yeni qanun layihəsi böyük səs çoxluğu ilə Avropada qəbul edilib. Süni intellekt qanunun ChatGPT və Midjourney kimi süni intellekt alətlərinin daha etibarlı və şəffaf fəaliyyət göstərməsi üçün müəyyən məhdudiyyətlər təyin edir.
Dünyanın ilk süni intellekt qanunu nələri dəyişəcək?
Qeyd etdik ki, süni intellekt qanunu artıq ChatGPT və Midjourney kimi bir çox süni intellekt alətinin şəffaf və etibarlı fəaliyyət göstərməsini təmin edəcək. Bundan əlavə yeni qanuna əsasən süni intelelkt hazırlayanlar və ya süni intellekt istehsalçıları öz alətlərini bazara çıxarmadan əvvəl ekspertizaya təqdim etməli olacaqlar. Həmçinin artıq biometrik identifikasiya sistemlərinə də məhdudiyyətlər təyin ediləcək. Yəni ağıllı kameraların süni intellekt vasitəsi ilə üz tanıması ictimai yerlərdə qadağan ediləcək. Qəbul olunan yeni qanuna görə uşaqlarda təhlükəli davranışların meydana gəlməsinə səbəb olan səs ilə aktivləşən cihazlara da məhdudiyyətlər qoyulur.
Dünyanın ilk süni intellekt qanunu qəbul edilərkən parlamentdə 499 qanun lehinə, 28 əleyhinə və 93 bitərəf səs toplanmışdı. Böyük səs çoxluğu ilə qəbul edilən qanunun 2024-cü ildən qüvvəyə minəcəyi gözlənilir. Həmçinin Avropa Parlamenti, Avropa Komissiyası və Avropa Birliyi Şurasının nümayəndələri qanunun yekun versiyasını müzakirə edəcək.
