İki il əvvəl hazırlıq mərhələsi başlayan Avropa Birliyi Süni intellekt qanunu artıq sonuncu mərhələdədir. Bildiyimiz kimi, süni intellekt artıq texnologiyanın istənilən sahəsinə tətbiq edilir. Süni intellekt əsaslı proqramlar, cihazlar bizim həyatımızı asanlaşdırsa da onların yarada biləcəyi təhlükəni gözardı etmək mümkün deyil. Bu səbəbdən də Avropa Birliyi artıq 2 ildir ki, Süni İntellekt qanununu təkmilləşdirməyə çalışır. ChatGPT kimi süni intellekt əsaslı proqramlara nəzarət edəcək olan qanun artıq son mərhələdədir. Belə ki, qanun layihəsi artıq parlamentə verilib.
Qeyd edək ki, Avropa Parlamentinin üzvləri və üzv dövlətləri yeni Süni intellekt qanunu barəsində son detalları müəyyənləşdirmək üçün üçtərəfli görüş keçirəcək. Ümumi olaraq qanun layihəsi barədə məlumat verək. Yeni qanun layihəsinə görə süni intellekt alətləri risk səviyyələrinə görə təsnifləşdiriləcək. Həmçinin biometrik müşahidə, dezinformasiyanın yayılması və dilin ayrı-seçkiliyinə nəzarət olunacaq. Avropa Birliyi hələlik süni zəka ilə təchiz edilən Tesla, Mercedes və sairə elektromobillərin istifadəsini qadağan etməsə də, onların şəffaflığının təmin olunmasını tələb edəcək.
ChatGPT və Midjourney kimi süni intellekt alətlərində istifadə edən şirkətlər isə müəllif hüquqları ilə qorunan məlumatları açıqlamalı olacaq. Qeyd etdiyimiz qanun layihəyə son 2 həftə ərzində daxil edilib. İlk öncə komitə üzvləri müəliif hüquqlarına malik alətləri tamamilə qadağan etməyi düşünsə də sonradan bu fikirdən daşınıblar. Yaxın günlərdə Avropa Birliyi Süni İntellekt qanunu layihəsini ictimaiyyətə açıqlaya bilər.
