Süni intellekt layihələri gün keçdikcə startaplar və digr sektorlarda sürətlə inkişaf edir. Belə ki, süni intellekt texnologiyası artıq biznes sahələrində də fəaliyyət göstərir. Belə ki, süni intellekt və data analitikası sahələrində peşəkarlaşmış “ALAS Academy” ilə birlikdə yenidən “AI” mövzusu üzrə bir yerə gələcəyik. 17 May tarixində baş tutacaq tədbirin əsas mövzusu “Discuss the future of AI and Machine Learning in business“. Ümumiyyətlə tədbirdə süni intellekt texnologiyalarının maşın öyrənilməsində və biznes sahələrində istifadə olunmasından bəhs olunacaq. İzləyicilərin sualları cavablandırılacaq.
Qeyd etmək lazımdır ki, Alas Academy fəaliyyətini 2020-ci ildə “TensorFlow User Group Azerbaijan” adı ilə başlamışdır və süni intellekt tədrisi ilə məşğul olmuşdur. 2022-ci ilin sonundan etibarən “Alas Academy” adı altında daha geniş sahələrin tədrisi ilə faəliyyətini davam etdirir. Həmçinin Alas Academy Qafqazın yeganə AWS partnyoru və ölkədəki rəsmi TensorFlow User Group-u hesab olunur. Bundan əlavə isə Alas Academy ilə birlikdə AI mövzusunda üzrə keçirəcəyimiz tədbirimizin qonağı Xalid Nəzərov olacaq. Xalid Nəzərov Maşın Öyrənməsi mühəndisliyi sahəsində 2 ildən çox təcrübəyə sahibdir və hal-hazırda Portuqaliyada “Tomar Politechnic” universitetində “Computer Engineering and IOT” üzrə təhsilini davam etdirir. Qonağımız bizlərə “Biznesdə süni intellekt və maşın öyrənməsinin gələcəyindən” danışacaq!
Alas Academy ilə birlikdə AI mövzusunda olan tədbirimiz 17 May tarixində Azərbaycan Texniki Universitetində baş tutacaq. Saat 11:00-da başlayıb 2 saat davam edəcək tədbirimizdə iştirak etmək üçün linkə keçid edib qeydiyyatdan keçməyiniz kifayət edir. Qeyd edək ki, biletlər ödənişsizdir. Biznesdə süni intellekt və maşın öyrənməsinin gələcəyi ilə maraqlı olan hərkəs tədbirimizə dəvətlidir.
Startap ekosistemi xəbərlərini "İnnovasiya və Rəqəmsal İnkişaf Agentliyi" ilə tərəfdaşlıq çərçivəsində oxuyursunuz.
