Qualcomm şirkətinin Snapdragon 8 Gen 2 çipsetini əldə etmiş ilk Android modeli Vivo X90 Pro+ idi. Lakin Vivo şirkəti müəyyən səbəblərə görə cihazda işlədilən çipset barədə detalları gizli saxladı. Nəticədə rəsmi olaraq Snapdragon 8 Gen 2 çipseti ilə anons edilən ilk smartfonlar məhz Xiaomi 13 seriyasında 2 gün sonra qarşımıza çıxacaq. Ortaya çıxan ilkin test nəticələrinə görə Snapdragon 8 Gen 2 çipsetinin A16 Bionic qarşısında göstərdiyi performans nəticələri məlum olub. Belə ki, Xiaomi şirkəti Xiaomi 13 modelinə aid sintetik test nəticələrini paylaşmaqla yanaşı, Vivo X90 Pro+ modelinin də “geekbench” performansı bəzi detalları ortaya qoyub.
Snapdragon 8 Gen 2 nüvələrin performansı cəhətdən A16 Bionic çipsetinə yaxın olsa da qrafik çipin performansına görə olduqca önə çıxır
Ilk olaraq təqdimatdan əvvəlki “geekbench” nəticələrinə baxdıqda Snapdragon 8 Gen 2 ilə test edilən Xiaomi 13 modeli təkli nüvələrin performansında 1498 xal toplayarkən, çoxlu nüvələrin testində 5328 xallıq nəticə verir. Rəsmi olaraq bu gün paylaşılan nəticələrdə də Xiaomi 13 modelinin Snapdragon 8 Gen 2 ilə çox nüvəli performans testində 5289 xal topladığı və A16 Bionic çipsetində bu nəticənin eyni şərtlər altında 5399 xal olduğu qeyd edilir.
Beləliklə, A16 Bionic çipseti nüvələrin performansı cəhətdən müəyyən qədər üstünlük göstərir. Lakin qrafik çipinin, yəni GPU performansına gəldikdə Snapdragon 8 Gen 2 çipsetinə quraşdırılan yeni nəsil Adreno GPU səviyyəni olduqca yüksəldir. “GFXBench 1080p Aztec Runs” qrafik çipinin sintetik testində ortaya çıxan nəticələrə görə Xiaomi 13 modeli 181 xal toplayər, iPhone 14 Pro modelində isə bu rəqəm 144 xal təşkil edir.
Nəticə etibarilə Snapdragon 8 Gen 2 qrafik performansı cəhətdən müəyyən qədər üstün olmalıdır. Lakin nüvələrin performansı çox təəssüf ki, yenə də cüzi geri qalacaq. Nüvələrin performansı arasındakı fərq isə Snapdragon 8+ Gen 2 ilə demək olar tam bərabərləşəcək. Məhz bundan sonra Snapdragon 8 Gen 2 seriyası tam önə çıxa bilər. Əlavə olaraq qeyd edək ki, Xiaomi 13 seriyası 2 gün sonra debüt edəcək.
