“Hackquarters” tərəfindən “PASHA Holding” əməkdaşlığında böyük bir hakaton başa çatdı. Keçirilən hakaton tələbələr və proqramçılar üçün nəzərdə tutulub. Burada əsas məqsəd bu sahədə özünə güvənən insanları bir araya gətirərək müəyyən problem və məsələlər üçün həll yolları tapmaqdır. “PASHA Hackathon 2.0” xüsusilə də “InsurTech” ilə bağlı yeni fikirləri ortaya çıxarmağı hədəfləyib. Bu sahədə olan və ya bu sahəyə marağı olanlar insanlar hakatonda bir yerə toplanaraq innovativ biznes ideyalarını və öz konsepsiyalarını yaratma imkanına malik oldular.
7, 8, 9 oktyabr tarixlərində keçirilən “PASHA Hackathon 2.0″ nəhayət başa çatır. Belə ki, bu gün “PASHA Hackathon 2.0″ qalibləri rəsmi olaraq açıqlanıb. Məqsədi texnologiya sahəsindəki insanları bir araya gətirərək müəyyən problem və məsələlər üçün həll yolları tapmaq olan hakatonu uğurla bitirən komandalar pul mükafatı əldə ediblər. Birinci yerin qalibi olacaq komanda 6000AZN, ikinci yer 4000AZN, üçüncü yer isə 2000AZN mükafat ilə hakatondan ayrılmaq imkanına sahib olub.
Uyğun olaraq 16 komanda arasından birinci yerə “Pali” layihəsi, ikinci yerə “İnsurize” layihəsi, üçüncü yerə isə “Həyat ver” layihəsi çıxaraq pul mükafatları ilə təltif olunublar. Xüsusi mükafat isə ən gənc və innovativ komanda kimi 1000AZN olmaqla “Pasha Step” layihəsinə verilib. Hakatonu qazanan iştirakçıları uğurları münasibəti ilə təbrik edirik.
