“Holberton School Azerbaijan”-nın tələbələrə peşəkar inkişaf dəstəyi göstərməyə davam edir. Belə ki, “Holberton School Azerbaijan”-ın gündəlik dinamik rutin tədbirlərinin arasında “HolbieTalk” özünəməxsus bir yer tutur. İKT, texnoloji və digər sahələrdən peşəkar spikerkərin iştirakı ilə baş tutan bu həftəlik təbdir silsiləsi tələbələrə yerli bazar mütəxəssisləri tərəfindən əhəmiyyətli təcrübələrdən yararlanmaq imkanı təqdim edir.
Ötən günlərdə baş tutmuş növbəti “HolbieTalk” tədbiri çərçivəsində tələbələr Azərbaycanın İKT sahəsində özünəməxsus yer tutmuş aparıcı mütəxəssislərindən biri, QA Qrup Lideri olan Vüqar Cəfərovdan dəyərli təcrübə və fikirlərindən yararlanmaq imkanını əldə etmişlər. Görüşdə QA sahəsinin təklif etdiyi imtiyazların tələbələrin gələcək karyera həyatlarında oynayacağı müsbət rol haqda qonaq spiker önəmli məqamlara toxunmuşdur.
ABŞ-ın Silikon Vadisi mənşəli “Holberton School” məzunları dünya miqyasında Apple, Tesla, Facebook, LinkedIn və s. Kimi texnologiya nəhənglərində karyeralarında əhəmiyyətli nailiyyətlər əldə etməyə davam etməkdədirlər. “PAŞA Holding”-in sponsorluğu ilə Azərbaycan bazarında fəaliyyətə başladığı zamandan Holberton School innovativ texnologiya təhsili üçün yeni standartlar müəyyən etməyə davam edir.
Qarşıdan gələn növbəti iyun kohortu ilə bağlı Holberton School Azerbaijan İKT sahəsində transformativ səyahətinə başlamaq istəyənlər üçün yaxında ictimaiyyəti məlumatlandıracaqdır.
