Budur! Tarixin “ənnn” incə “simmetrik” çərçivəli, sadəcə 1.32 mm ilə ən yaxın rəqibindən belə daha incə, daxilində 2 ədəd 4.47GHz tezlikdə işləyən Snapdragon 8 Elite for Galaxy prosessoru ilə fantastik performansa sahib, tamamilə sıfırdan “Galaxy S” prinsiplərinə uyğun olaraq hazırlanmış “Galaxy S25 Ultra” (telefonu göstər) və “Galaxy S25” seriyası (S25 və S25+) artıq rəsmidir!
Bəli, tamamilə sıfırdan “Galaxy AI Phone” seriyası bu il ikonik 2012 Mercedes-Benz CLS-nin dizayneri və Samsung-da yeni işə başlamış Hubert H. Lee-nin rəhbərliyində hazırlanır. Samsung heyəti, ənənəvi Galaxy dizaynına sadiq qalmağa çalışsa da smartfonun bütün gövdəsini ölçüsünə qədər dəyişib. İlk növbədə smartfonun eni 2.6 mm azaldılıb. Artıq smartfonu əldə saxlamaq hamı üçün daha erqomonikdir. Trendləri nəzərə alan dizayn heyəti kənar çərçivələri də boydan boya “düm-düz” titaniumla əhatələyib. “Galaxy S25 Ultra”nın künc hissələri artıq sələfi kimi kəskin deyil. Bu da yenə əldə tutarkən rahatlığı təmin etmək üçün edilən bir dəyişiklikdir.
Bu prinsipləri sadə “Galaxy S25” seriyasına tətbiq etdikdə isə dəhşətli bir şey ortaya çıxır. Dizaynerlər təkcə smartfonu yox, kamera çıxıntısını belə incəltmək üçün mühəndislərlə birlikdə çalışıblar. Qalınlıq, 7.5 mm-in altına düşüb.
“Galaxy S25” sadə modelləri kamera və gövdə arasında xüsusi “sütun” adlandıracağımız prinsiplə “Galaxy S25 Ultra” ilə müqayisədə ~0.6 mm daha nazik kamera çıxıntısına malikdir. Hətta nazik bir kağızla bu “sütun” mühəndisliyini bu cür göstərə bilərik.
Eni azalan bir “Galaxy S25 Ultra”nın ekranı necə böyüyə bilər?!
Təbii ki, ekran istehsalında liderin kim olduğunu düşünsək, cavabı öyrənəcəyik. “AI Phone” (telefonu uzadaraq), 91.4% ekran-gövdə nisbəti ilə bütün ekran boyu 1.32 mm olan minimalist və sektorun ən nazik düz, simmetrik ekranını alır. Beləliklə, eni azalan QHD+ Dynamic AMOLED 2x ekran 6.8 düymdən 6.9 düymə çıxır. 2600 nit pik parlaqlıqlı ekranda, parlaqlıqla bağlı daha bir vacib şey isə indi göstərəcəm. “Corning Gorilla Armor” şüşə örtüyü ilə qorunan ekran, üzərinə düşən işığı ən az əks etdirməsi ilə fərqlənir. Fərqli cihazda öz əksimi görərkən, “Galaxy S25 Ultra”-da sadəcə qaranlıq bir silület görürəm. Hələ heç bir rəqibdə belə bir innovativlik görməmişdim.
Galaxy S25+ 6.7 düym yenə eyni QHD+ Dynamic AMOLED 2x ekran paneli alarkən, Galaxy S25 modeli 6.2 düym kompakt gövdəsində FHD+ Dynamic AMOLED 2x ekran paneli əldə edir.
“Galaxy AI Phone” seriyası bütün modelləri ilə, Azərbaycanda da dünyanın ən sürətli “Android” prosessoru olan 3nm-lik Snapdragon 8 Elite for Galaxy ilə təchiz edilib. Bu, ekstremal performans bəzi işlətdiyiniz kompüterlərdən belə daha güclü nəticə göstərən 2 ədəd 4.47GHz nüvəsi ilə seqmentinin ən güclü prosessorudur. Ən güclü olarkən Samsung, soyutmada da nəsə etməli olduğunu unutmur və inanılmaz da olsa sələfindən 40% daha böyük buxar qazanından Galaxy S24 Ultra modelində istifadə edir. Smartfonlar istilik xaric etməsində 8% daha yaxşıdır və termal interfeys üçün xüsusi yeniləmələr mövcuddur. Nətəcədə təkcə 3D Mark Solar Bay qrafik testində belə 41% performans artımı olduğu qeyd edilir. Bütün bunlarla oyun müddətə nə az, nə çox tam 1.5 saat Galaxy S25 seriyasında artmışdır. Beləliklə, oyun üçün də ən yaxşı smartfonlarda söhbət gedir.
Galaxy S25 Ultra modeli 200MP əsas, 3 qat optik 10MP, 5 qat optik 50MP kameralar alıb. 4-cü kameramız olan ultra-bucaqlı sensor isə 12MP-dən 50MP-ə qalxıb. Bu bizə 4 qat yüksək keyfiyyətli ultra-geniş və makro görüntülər təmin edir.
İlk növbədə kamera performası gecə çəkilişlərində ən üst səviyyəyə çıxıb. “Noise”, yəni görüntünün bulanıqlaşması əhəmiyyətli dərəcədə azalıb. AI artıq portret və insan çəkilişlərində saçdan tutmuş, üzdəgi cizgilərə qədər həsasslıqla və orijinallığını pozmadan şəkillər hazırlamaq üçün optimizasiya edilib. Müxtəlif kameralar arasında keçid zamanı “ilişmə” hissiyatı tamamilə fikslənib və 0.5x-dan 100x-a qədər kameralar arasında hamar kadr dəyişikliyi yaradılıb. AI ilə videodan külək səsinin, insan səsinin, musiqinin, qıraq səs-küylərin yığışdırılması üçün Audio Eraser imkan əlavə olunub. Hətta real-zamanlı rəng palitrası və 3-cü tərəf tətbiqlərə yüksək keyfiyyətli görüntü yükləmə dəstəyi də diqqət çəkir. Gecə vaxtı işlədərkən kamera obyektivinə düşən işığın kölgəsinin də çox az yaranması maraqlı bir detaldır.
Hə, kamera ilə bağlı son olaraq Galaxy S25 və Galaxy S25+ modellərində 12MP ultra-geniş, 50MP əsas, 10MP 3 qat telefoto obyektivləri mövcuddur. Bütün Galaxy S25 seriyası modelləri 12MP selfi kamerası əldə edib.
Samsung öz cihazlarını “AI Phone” deyə də adlandırır. AI bu cihazların hər yerindədir. Kilid ekranında, ekran görünütsü aldıqda, videoya baxdıqda, idman etdikdə, avtomobil sürdükdə, telefonla danışdıqda, şəkil çəkdikdə, bütün Samsung ekosistemində və.s. Bu dəfə ən diqqət çəkən AI yeniliyi isə kilid ekranınızdakı Now Bar-dır. Bütün vacib o an sizə lazım xüsusiyyətləri AI tövsiyəsi kimi Now Bar bu cihazlarda sizə çatdırır.
Deyərdim ki, Galaxy S25 seriyası qlobal səviyyəli cihazlar arasında ən güclü AI dəstəyinə malik smartfondur. Bəzi rəqiblərdə AI xüsusiyyətlərinin bir neçə ölkə ilə limitləndiyini görürük, lakin Samsung Galaxy S25 seriyasında hər şey bizim üçün də əlçatandır. Sadəcə dil və danışıqla bağlı Google Gemini əsaslı real zamanlı tərcümə imkanlarının biraz təkmilləşməsi lazımdır ki, artıq Galaxy S25 seriyasından 20 müxtəlif dilə də dəstək veriləcək. Türk, İngilis, Rus dilləri artıq tam mövcuddur və sürətlə artan dəstəklə birlikdə elə məhz Azərbaycan dilini görməyimizə məncə az qalıb.
Bu da bizim üçün sözün əsl mənasında istifadəçilərin tələbləri nəzərə alınaraq təkmilləşdirilən, yeni nəsil Galaxy S seriyası! Galaxy-nin yeni ulduzları ilə 24 yanvarda, Azərbaycandakı rəsmi Samsung mağazalarında tanış ola bilərsiniz!
