2022-ci il Samsung şirkətində smartfon sektoru cəhətdən inqilabi bir il oldu. Buna səbəb şirkətin smartfonların təməlini formalaşdıran 2 vacib şəxsiyyətin yenilənməsi və yeni komandanın yaradılması idi. Həmin şəxslərdən biri barəsində 2 həftə əvvəl məlumat vermişdik. Onlardan biri Choi Won-Joon adlı şəxs və ya daha yaxşı tanımağınız üçün desək keçmiş Qualcomm vitse-preizdenti idi. Belə ki, Choi Won-Joon Samsung holdinqinin Samsung smartfonlarına cavabdeh olacaq və smartfon istehsalına 2023-cü ildən etibarən rəhbərlik edəcək. Üstəlik Qualcomm şirkətində qazandığı uğurun təməlini Samsung üçün formalaşdırmaq üçün, çipset təkmilləşdirmə komandasını yenidən quracaq. Lakin bu gün verilən məlumata görə Samsung şirkəti təkcə texniki tərəfdə yox, dizayn tərəfində də olduqca vacib bir addım atır. Belə ki, Mercedes-benz baş dizayn direktoru Hubert H. Lee “Samsung MX”, yəni bildiyimiz formada Samsung smartfonları istehsal edən şirkətin yeni dizayn direktoru olacaq.
Yeni Samsung dizayn direktoru Hubert H. Lee 10 ildən artıq Mercedes-Benz modellərinin dizaynında imzası olmuş şəxsdir
Hubert H. Lee vaxtı ilə Hyundai avtomobillərinin dizaynına 2008-ci ildəki keçid dövründə yeni nəfəs verən şəxslərdən olmuşdur. 2009-cu ildə Hyundai şirkətindən çıxan dizayner rəqibi Joel Piaskowksi, Mercedes-Benz üçün dizayn direktoru təyin edilib. Lakin Hubert H. Lee sadəcə 1 il sonra 2010-cu ildən Joel Piaskowksi-ə fürsət vermədən birbaşa onun yerinə Mercedes-Benz baş dizayn direktoru keçmişdir. 2010-cu ilə qədər isə Mercedes üçün də dizayn komandasına müəyyən töhfələrini vermişdir. Mercedes-Benz şirkətində işlədiyi dövr boyunca ilk məşhur işi Mercedes-Benz CLS modeli olub. Aşağıda şəklini gördüyünüz avtomobilin hər bir detalı Hubert H.Lee-nin dizaynına məxsusdur. Sonrakı vaxtlarda isə şirkətin Amerika və Çin dizayn komandasına rəhbərlik etməklə məşğul olan Hubert H.Lee, dizayn komandalarını idarəyə fokuslanıb. İndi isə Asiyalı dizayner öz fəaliyyətini Samsung dizayn direktoru olaraq davam etdirəcək.
Hubert H. Lee
Mobil İnnovasiyada liderlərdən olan şirkətə qoşulmaqdan məmnunam. Dizayn sənətimlə, yeni mobil təcrübələr yaratmağa cavabdeh olacağım komandaya rəhbərlik etməkdən məmnunluq duyuram.
İlkin ehtimallara görə “Samsung MX” şirkətinin yeni texniki rəhbəri Choi Won-Joon və yeni dizayn direktoru Hubert H.Lee birgə fəaliyyətlərinə 2023-cü ildən start götürəcəklər. 2024-cü ildən Samsung smartfonlarında ciddi dəyişikliklər görüb-görməyəcəyimiz isə sual altındadır.
