İnsanların alternativ və daha funksional messencer axtarışı ilə gündəmə gələn Telegram son 3 ildə əhəmiyyətli dərəcədə böyüməyi bacardı. Belə ki, 2019-cu ildə yükləmə sayına görə bu mesajlaşma tətbiqi sadəcə beşinci yerdə idi. Lakin növbəti illərdə mesajlaşma üzərinə qurulan platforma, sosial media tətbiqi kimi inkişaf etdi. Telegram, isə uğurla yüksəlməyi bacardı. Bütün bunların ardıyca yeni abunəlik xüsusiyyətləri təklif edən Telegram rəhbəri Pavel Durov, iyun ayında aktiv istifadəçi sayının 700 milyon insana çatdığını bildirdi. Abunəlik xüsusiyyətini də düzgün planlayan şirkət istifadəçilərin mənfi rəyləri ilə qarşılaşmadı. Üstəlik istifadəçilər abunəliyin gətirdiyi interaktiv xüsusiyyətləri bəyənərək ödəniş etməyə razı oldular. Ortaya çıxan məlumatlara əsasən, Telegram platformasının analitik göstəriciləri 1 il sonra tətbiqin WhatsApp platformasını keçəcəyini ortaya qoyur.
Telegram tətbiqinin WhatsApp və digər tətbiqlər qarşısında statistik məlumatları paylaşılıb
Sensor Tower tərəfindən paylaşılan statistik göstəricilərdə 2020-ci ildən 2022-ci ilin oktyabr ayına qədər olan məlumatlar qeyd olunub. Resursun bildirdiyinə görə Telegram üçün ən sürətli böyüyən bazarlar Rusiya, Türkiyə və Fransa olmuşdur. 2021-ci ildə ilk beşlikdən ilk üçlüyə yüksələn tətbiq, 2022-ci ildə öz yerini qorumağı bacarmışdır. Lakin Sensor Tower, bu templə tətbiqin 2023-cü ilə ərzində daha böyüyəcəyini və Whatsapp mesencerini keçəcəyinə təxmin edir.
Qısa müddət ərzində 1 milyondan çox ödənişli abunəçiyə çatan platforma 3 milyon dolların üzərində gəlir qazanaraq, xidmətlərini təkmilləşdirməyə davam edəcək. Signal, Discord, Viber kimi rəqiblərdə isə inkişaf Telegram ilə müqayisədə daha yavaş qalıb. Bunlar əvəzinə BeReal platforması son rübdə istifadəçi kütləsinə görə ilk onluğa daxil olmağı bacarıb.
