Bir neçə gün əvvəl ABŞ-da qadağan edilən, lakin yenidən müvəqqəti olaraq istifadəyə verilən TikTok hazırda böyük bir böhranın içərisindədir. Belə ki, Meta şirkəti də TikTok-un hazırda içində olduğu böhrandan istifadə edərək yeni proqram başladıb. Meta TikTok-dan Instagrama keçmələri üçün məşhur bloggerlərə pul təklf etməyə başlayıb.
Sosial media nəhəngi Meta, Facebook və xüsusilə Instagram-a yeni məzmun yaradıcılarını cəlb etmək üçün diqqətəlayiq bir təşviq proqramı başladıb. TikTok-un ABŞ-da qadağası təxirə salındığı üçün hələ də gündəmdə olduğundan Meta bu təşviq proqramı ilə TikTok məzmun yaradıcılarını platformasına cəlb etməyi hədəfləyir. ABŞ-da ilk dəfə istifadəyə verilən proqramın bir hissəsi olaraq, yeni istifadəçilər platformaya qoşulduqları ilk 90 gün ərzində müntəzəm məzmun yerləşdirmək şərti ilə 5000 dollara qədər ödəniş ala biləcəklər. Proqram yalnız Facebook və Instagram-dan ilk dəfə istifadə edən məzmun yaradıcılarını əhatə edir.
Müracitə prosesindən keçmək məcburiyyəti olan bu sistemdə, Meta-nın platformalardan aktiv məzmun istehsal etmə potensialına malik adları seçərək qəbul edəcəyi bildirilir. İstifadəçilər hər 30 gün ərzində Facebook-da ən azı 20 çarx və Instagram-da 10 çarx paylaşmalıdırlar. Bundan əlavə, əvvəllər digər platformalarda dərc edilmiş məzmun bu meyarlara daxil edilməyəcək. TikTok-un ABŞ-da 170 milyon istifadəçisi var və bu istifadəçilərin əksəriyyəti gəlirlərini platformadan əldə edirlər. Gələcəkdə TikTok-un yenidən qadağan edilməsi ehtimalı məzmun istehsalçılarının alternativ platformalara, xüsusən də Meta platformalarına müraciət etməsinə səbəb ola bilər.
