Kompüter sistemlərindəki zəiflikləri aşkar edib istədiyi şəkildə istiqamətləndirərək internet dünyasındakı böyük şirkət və qurumların kabusuna çevrilən xakerlər dünyaca məşhur ola bilirlər. Bu yazımızda qısa formada xaker qruplarının nə zaman yarandığı, hansı işləri gördüyü və nələrlə yadda qaldığı kimi mövzulardan danışacağıq. Elə isə ilk qrupdan başlayaq!
Anonymous
Qrup üzvləri 2008-ci ildən bəri internet hücümları, etirazlar, qanunsuz işləri ilə tanınır. Anonymous özünü heç bir əmrə tabe olmayan, ideologiyalarla yaşayan və mərkəzsizləşdirilmiş birlik kimi təqdim edir. Üzvlər V for Vendetta filminin aktyorunun maskasından istifadə edirlər. Milyonlarla dəstəkcisi olan qrup, polislə işləməsə də cinayətlərin üstünün açılmasında iştirak etmişdir. Anonymous-un dili, dini, milliyyəti yoxdur və irqçi deyil. Ünsiyyət qurduğu ölkə ilə elə ölkənin öz dilində danışır.
Ayyıldız Team
2002-ci ildə Yeni Zelandiyada qurulan bu xaker qrupu ilk dəfə ABŞ Müdafiə Nazirliyinin internet saytını sındıraraq tanınmışdı. Özlərini vətənpərvər kimi qələmə verən qrup üzvləri, indi Türkiyəyə müharibə elan edən Anonymous ilə qarşı-qarşıyadır. Ayyıldız Team Amerika, Çin və İsrailin dövlət saytlarına hücumlar edir. Eyni zamanda Suriyaya aid bir neçə saytın da Ayyıldız Team tərəfindən sındırıldığı məlumdur.
Legion Of Doom
Köhnə qruplardan olan qısaca LOD, 1980-ci ildə qurulmuşdu. 2000-ci illərin əvvəlinə qədər fəaliyyətdə olan qrupun bəzi üzvlərinin kim olduğu aşkar edilsədə, qrupun qurucusu Lex Luthor və başqa bir neçə üzvün kimliyi məlum olmadı. Lex Luthor digər köhnə xaker qruplarından olan Masters of Deseption qrupu ilə üz-üzə qaldığından LOD yaranmışdı. LOD və Masters of Deseption arasında böyük xaker müharibəsi gedirdi. Telefonlara və dövlət qurumlarına qarşı kiber hücumları ilə tanınan qrup bir zamanlar Amerikanı da qorxutmuşdu.
Lizard Squad (xaker qruplaşması)
“Qara papaqlı xakerlər” kimi tanınan Lizard Squad qrupu oyunlarla əlaqəli sistem və saytlara DDoS hücumları etməklə tanınıb. 2014-cü ildə qurulsa da, qısa müddət ərzində League of Legends, Destiny, PlayStation Network, Xbox Live və Şimali Koreyaya DDoS hücumları həyata keçirib. Qrupun 7 nəfərdən ibarət olduğu bilinir.
RedHack (xaker qruplaşması)
1997-ci ildə qurulan RedHack, marksist və sosialist ideologiyasını mənimsəyən üzvlərdən ibarətdir. 2012-ci ilin fevralında Ankara Polis İdarəsinin internet saytına kiber hücum edərək məşur olan qrup cinayətkarların tutulmasına kömək edib. RedHack tələbələrə süd paylanması nəticəsində yüzlərlə tələbənin zəhərlənməsinə etiraz etmək üçün 3 fərqli süd şirkətinin internet saytlarına hücum etməklə sosial şəbəkə istifadəçiləri tərəfindən böyük dəstək almışdı.
