İnkişaf edən süni intellekt texnologiyaları hüquq-mühafizə sahəsində özünü göstərməyə başlayır. Uzun müddətdir polis xidmətlərində istifadə edilən bədən kameralarından sonra ağıllı eynəklər tədricən tətbiq olunur. Artıq hüquq-mühafizə işçiləri xüsusilə yol polisləri üçün ağıllı eynək dövrü başlayır deyə bilərik.
Belə ki, son dövlər texnologiyanın episentrinə çevrilən Çində başlayan bir layihənin bir hissəsi olaraq, süni intellektlə işləyən ağıllı eynəklər yol polisi əməkdaşlarına paylanmağa başlandı. Ağıllı eynəklərlə nəqliyyat vasitələrinin nömrə nişanlarını skan etmək və sürücü məlumatlarına daxil olmaq kimi tapşırıqlar yol polisi üçün daha asan olacaq. 12 meqapiksellik kameraya malik eynəklər nəticələri dərhal mini-proyeksiya ekranında göstərir.
8 saata qədər istifadə edilə bilən eynəklər 10-a qədər dilə ani tərcümə və video çəkiliş kimi xüsusiyyətlərə malikdir. Tam başa düşülməsə də, mənbə kimi planşet və ya smartfonlardan istifadə olunur. Vətəndaşların rəqəmsal izlənməsi Çində artıq ən yüksək səviyyəyə çatıb. Şəxsiyyət skanlamasından üz tanımaya qədər vətəndaşların sistemdən yayınması demək olar ki, mümkün deyil. Bu yolla cinayət törədənlər və cinayət qeydləri olanlar qara siyahıya salınır və cəmiyyətdən təcrid olunurlar. Ağıllı eynəklər bu nəhəng verilənlər bazası sayəsində 10 saniyə ərzində yol hərəkətinin idarə olunması əməliyyatlarını yerinə yetirə bilir.
