Beləliklə, Nasa tərəfindən yer ətrafında görünməyən ambipolyar elektrik sahəsi aşkar edilib və ölçülüb. Maraqlısı budur ki, cazibə qüvvəsi qədər əhəmiyyətli olan bu sahənin təkcə Yerdə deyil, digər planetlərdə də mövcud olduğu düşünülür.
60 illik proqnozlardan sonra elm adamları Yer ətrafında görünməz enerji sahəsini aşkarlaya biliblər. Ambipolyar sahə adlanan kəşf Yer atmosferinin dərk edilməsində inqilabi inkişaf hesab olunur. NASA Goddard Kosmik Uçuş Mərkəzinin astronomu Glyn Collinson, atmosferi olan hər planetin ambipolyar bir sahəyə sahib olması lazım olduğunu ifadə edərək, bildirib ki, “İndi bunu ölçə bildiyimizə görə, zamanla planetimizin və başqalarının necə formalaşdırdığını öyrənməyə başlaya bilərik”. Ümumiyyətlə, Yer sadəcə kosmosda dayanan bir quru parçası deyil və onun ətrafında çoxlu müxtəlif enerji sahələri var. Məsələn, qravitasiya sahəsi planetimizi yerində saxlayan və atmosferi möhkəm şəkildə qoruyan bir qüvvə kimi dayanır. Bundan əlavə, Yerin daxilində fırlanan və keçirici materialın yaratdığı maqnit sahəsi planetimizi günəş küləklərinin və radiasiyanın zərərli təsirlərindən qoruyur.
1968-ci ildə elm adamları kosmik əsrə qədər fərq etmədiyimiz bir fenomeni təsvir etmişdilər. Yerin qütbləri üzərində uçan kosmik gəmi, Yer atmosferindən qaçan hissəciklərin səsdən sürətli küləyini aşkar edib. Bunun ən yaxşı izahı elektrik enerjisinin üçüncü sahəsidir. Collinson bildirir ki, “Bu, ambipolyar sahə adlanır və bu, xaos alətidir. O, cazibə qüvvəsinə meydan oxuyur və hissəcikləri kosmosa sürükləyir. Amma biz bunu əvvəllər heç vaxt ölçməmişik, çünki texnologiyamız yox idi”. Bu ambipolyar sahə inanılmaz dərəcədə zəif olduğundan, Collinson və komandası onu aşkar etmək üçün gəmilər dizayn edib. Bu kontekstdə Endurance missiyası 2022-ci ilin may ayında başladı və dəyərli, zəhmətlə qazanılmış məlumatları ilə 768,03 kilometr yüksəkliyə çatıb. Missiya boyunca yalnız 0,55 volt elektrik potensialının dəyişməsi ölçülüb.
