BloombergNEF-in yeni hesabatına görə, qlobal günəş enerjisi qurğuları bu il keçən illə müqayisədə 33% artımla 592 GVt-a yüksələ bilər. Günəş paneli qiymətləri isə hazırda tarixdə ən aşağı səviyyəyə düşüb.
2024-cü ilin üçüncü rübündə qlobal PV bazarına baxış” hesabatını dərc edən BloombergNEF günəş modullarının qiymətlərinin düşməsinin yeni bazarlarda tələbat yaratdığını, lakin gərgin rəqabət şəraitində modul istehsalçılarının aşağı qiymətlərdən əziyyət çəkdiyini bildirib. Hesabatda önümüzdəki illərdə günəş panellərinin quraşdırılmasında davamlı artım olacağı və 2035-ci ilə qədər illik 996 GVt quraşdırma səviyyəsinə çatılacağı proqnozlaşdırılır. Çinin keçən il olduğu kimi bu il də günəş enerjisi qurğularında birinci yerdə olacağı gözlənilir.
BloombergNEF həmçinin 2024-cü il üçün polisilikon istehsalı proqnozunu 1,96 milyon metrik tona (900 GVt modul istehsal etmək üçün kifayət qədər) endirib. BloombergNEF-in günəş enerjisi üzrə analitiki Jenny Chase, 2024-cü ilin ikinci rübündə hər il 2,2 milyon ton kimi təxmin edilən polisilikon istehsalının azalmasının aşağı qiymətlərlə və həddən artıq təkliflə əlaqələndirir. Hesabatda bildirilir ki, polisilikonun qiyməti hazırda 4,9 dollar/kq səviyyəsindədir ki, bu da demək olar ki, bütün istehsalçılar üçün istehsal xərclərindən aşağıdır. Günəş modullarının qiymətləri də tarixdə ən aşağı səviyyədədir. Belə ki, təşkilat günəş modulu istehsalçılarının əksəriyyətinin bu il itkilər göstərəcəyini gözləyir və bəzi istehsalçıların müflis ola biləcəyi barədə xəbərdarlıq edir.
