Bildiyiniz kimi texnologiya dünyasının ən vacib elementlərdən biri yarımkeçirici məhsullar, çiplərdir. Əks halda nəinki texnoloji məhsulların inkişafından, heç mövcud texnologiyaların istehsalında belə söhbət gedə bilməz. Aydın məsələdir ki, yeni dövrdə alovlanan müharibələrdə də məhz çip böhranının yaradılması xüsusilə nəhəng ölkələr üçün ciddi problemlər yaradır. Hərbi texnoloji məhsullar istehsal edən Rusiya da Ukrayna ilə başlatdığı münaqişə sonrası mikroçip tədarük etdiyi şirkətlərdən sanksiyalarla qarşılaşıb. Nəticədə yeni avadanlıqların istehsalı bir tərəfə, problem yaşayan hərbi texnikanın sazlanması üçün belə müəyyən mikroçiplərin tapılmasında problem yaşanır. Avropa Birliyinin açıqlamasına görə, Rusiya çip böhranı ilə mübarizə aparmaq üçün məişət əşyalarını hədəf alıb.
Rusiya qabyuyan maşınlardan və soyuduculardan çıxarılan çiplərdən yararlanır
Bu vaxta qədər Rusiyanın mikroçip tədarük etdiyi şirkətlər Marvell, Intel, Microchip, Micron, Broadcom və.s olmuşdur. Bunlardan bəziləri ABŞ mərkəzli firmalar olmasına baxmayaraq sanksiyalar sonrası Rusiyaya çip tədarükünü dayandırmalı olublar. Nəticədə çip böhranı yaşayan Rusiya yeni həll yolları axtarmağa başlayıb. Rus ordusu tərəfindən yarımkeçiri məhsulların stokları tükənməsi səbəbi ilə xüsusilə hərbi avadanlıqların təmirində qabyuyan maşınlardan, soyuduculardan və.s çıxan mikroçiplərdən yararlanmaq məntiqli görülüb.
Hətta bundan bir neçə ay əvvəl çəkilən şəkillərdə Rusiyanın işğal etdiyi bölgələrdə evlərdən məişət əşyalarını çıxardığı da görüntülərdə əks olunmuşdut. Avropa Birliyinin bu açıqlamasından sonra görüntüləri biraz analiz etdikdə məişət əşyalarının niyə daşındığını təxmin etmək olur. Böyük bir ehtimalla çip böhranı ilə qarşılacağını təxmin edən Rusiya 3-4 ay əvvəl çəkilən bu görüntülərdə elə məhz mikroçiplər üçün bu avadanlıqları daşıyırmış.
Təbii ki, problemlər sənayenin müxtəlif sahələrində də özünü göstərir. Avtomobil istehsalı keçən illə müqayisədə dörddə üç nisbətində azalıb. Həmçinin aviasiya sektorunda da ehtiyyat hissələri olmaması yeni problemlər yaradır. Mövzu barədə siz nə düşünürsünüz? Fikirlərinizi rəylərdə bizimlə bölüşə bilərsiniz.
