Kamera ilə təchiz edilmiş robot tozsoranların təhlükəsizlik tədbirləri lazım olduğundan daha zəif ola bilər. Belə ki, bu dəfə hakerlər olmasa da, tədqiqatçılar robot tozsoranı sındıraraq kamerası ilə bütün evi izləyiblər.
Qorxu filmindən bir səhnə kimi görünsə də bu reallıqdır. Yeni bir araşdırmaya görə, qorxu filmlərində görə biləcəyimiz səhnələr reallaşa bilər. Belə ki, Dünyanın ən böyük robot tozsoran istehsalçısı olan Çinli Ecovacs-ın robot tozsoranların sındırılmasına səbəb olan zəifliyi aradan qaldırmadığı məlum olub. Maraqlısı budur ki, bu zəiflik şirkətə artıq 1 ildən çoxdur ki, bildirilsə də heç bir tədbir görülməyib. Təhlükəsizlik tədqiqatçısı Dennis Giese və jurnalist Julian Fell sahibinin icazəsi ilə şirkətin flaqman modeli Deebot X2-ni sındırmağa çalışıblar. İkili fiziki təmas olmadan 140 metr məsafədən Bluetooth vasitəsilə cihazı sındıra bilib.
Tədqiqatçılar robot tozsoranı hərəkət etdirməyə, onun kamerasına və mikrofonuna çatmağa, üzərindəki bütün sensorlara daxil olmağa və Wi-Fi məlumatları kimi məlumatları əldə etməyə nail olublar. Məlum olub ki, kamera çəkiliş apararkən hətta kameranın səsini də söndürmək mümkündür. Bunu daha da qorxulu etmək üçün ikili hətta robot tozsoran vasitəsi ilə “Salam Sean (robot tozsoranın sahibi), mən səni izləyirəm” deməyi və gülməyi bacarıblar. Bəs sizcə bu robot tozsoranlardan olan bu zəiflik gələcəkdə hansı problemlərə və hadisələrə yol aça bilər?
