ABŞ-da yerləşən Quaise Energy şirkətinə görə, dünyanın ən dərin çuxurunun qazılması tükənməz, qeyri-məhdud enerji təmin edəcək. Qeyd edək ki, ABŞ mərkəzli şirkət qeyri-məhdud enerji üçün yer qabığını girotron kimi tanınan texnologiyalar ilə yer qabığını qazacaq. İlk mərhələdə şirkət Yer səthindən 20 km dərinliyə çatmağı hədəfləyir.
Quaise Energy-nin həmtəsisçisi Matt Houde’a görə, yeraltına çıxışımızı gözləyən enerji mənbəsi, planetin illik enerji ehtiyacını milyard dəfə üstələyir. Bunun bəşəriyyətə nüvə kimi bir növ qeyri-məhdud enerji təmin edəcəyi bildirilir. Beləliklə, qeyri-məhdud enerji əldə edə bilmək üçün Yer qabığını girotron ilə qazmaq həm elmi fantastika, həm də bir az ironik səslənir. Lakin Mitsubishi tərəfindən dəstəklənən Quaise Energy məhz bunu etmək istəyir. Şirkət bildirir ki, geotermal enerji, külək və günəş enerjisi stansiyalarından əldə edilən fasiləli enerjiyə ideal tamamlayıcıdır.
Bundan əlavə, geotermal bu gün dünyanın ən böyük sənayesi olan neft və qaz sektoruna fayda verməyə hazırdır. Houde görə, geotermalın hələ də inkişaf etməməsinin səbəbi onun istilik, su və keçiricilik kimi üç zəruri amildən asılı olmasıdır. Fervo Energy kimi şirkətlər bu amilləri aradan qaldıran və ya minimuma endirən üsullar tətbiq etsələr də, onların geniş miqyas və potensiala çatması üçün hələ vaxt tələb olunur. Buna görə də geotermal enerji hələ də çox məhdud coğrafiyalarda əlçatandır. Bu məhdudlaşdırıcı amillərə görə qlobal geotermal gücü yalnız 16 GVt təşkil edir. Lakin Quaise hesab edir ki, onun daha dərin, daha isti və daha sürətli qazma planı teravatt miqyaslı geotermal enerjinin kilidini aça bilər.
