Uzun müddətdir öyrənilən kvant naviqasiya sistemi ilk dəfə uğurla sınaqdan keçirilib. Qeyd edək ki, GPS kimi ənənəvi peyk yerləşdirmə sistemlərindən asılı olmayaraq fəaliyyət göstərən sistem daha dəqiq və etibarlı naviqasiya təmin edir. Beləliklə, GPS-dən asılılığa son verə bilən texnologiya sınaqdan uğurla keçib. Yeni texnologiyanın gələcəkdə naviqasiya dünyasında inqilab edəcəyi gözlənilir.
Infleqtion adlı Britaniya şirkəti tərəfindən hazırlanmış kvant əsaslı Positioning, Navigation and Timeming (PNT) sistemi iki yeni texnologiyadan istifadə edir. Bunlardan biri ultrasoyuq atomlar digəri isə yığcam Tiqker optik atom saatıdır. Bu səbəbdən yeni texnologiya GPS-dən çox daha dəqiq və etibarlı naviqasiya təcrübəsi təmin etmək potensialına malikdir. Yeni texnologiya mövcud peyk sistemlərini tamamlayaraq yüksək dəqiqlik və sabit naviqasiya təmin etməyi vəd edir. GPS-dən asılı olmayaraq işləyən kvant naviqasiya sistemi təyyarələrə öz mövqeyini, istiqamətini və sürətini daha dəqiq müəyyən etməyə imkan verəcək.
BAE Systems və QinetiQ aerokosmik şirkətləri ilə aparılan sınaqlarda QinetiQ-nun modifikasiya edilmiş RJ100 Airborne Technology Demonstrator təyyarəsi istifadə edilib. GNSS/GPS siqnalları iqtisadi, hərbi və strateji fəaliyyətlər üçün vacibdir. Buna görə də, bu siqnalların təhrif edilməsi və ya saxtalaşdırılması əməliyyatları ciddi şəkildə təhlükə altına qoya bilər. Kvant naviqasiyası qlobal yerləşdirmə sistemlərindən asılılığı azaltdığından bütün bu risklər aradan qaldırılacaq. Infleqtion-un rəhbərlik etdiyi layihə, 2,5 milyard funt sterlinqlik milli kvant texnologiyaları strategiyasının bir hissəsi olaraq hökumət tərəfindən də dəstəklənir.
