Neuralink rəqibi olan şirkətlərdən ən məşhuru olan Precision Neuroscience, rəsmi açıqlamaya görə, 4096 elektrodla rekord qırıb. Belə ki, Neuralink-in rəqib səhiyyə şirkəti Precision Neuroscience, insan beyninə yerləşdirilmiş 4096 elektrodlu beyin çipi ilə bu sahədə rekorda imza atıblar.
![Neuralink rəqibi rekord](https://tedroid.com/media/2024/05/neuralink-reqibi-4096-elektrod-rekord.jpg)
Daha əvvəl 2048 olan rekordu əhəmiyyətli dərəcədə artıran şirkət gələcək üçün əhəmiyyətli bir uğura imza atdığını bildirib. Vahid sahəyə daha çox elektrod yerləşdirmək beyindəki neyron fəaliyyətini daha yüksək dəqiqliklə xəritələməyə imkan verir. Bu şəkildə düşüncələri daha yaxşı analiz edə bilən və daha həssas idarə sistemləri inkişaf etdirə bilən şirkət, Neuralink kimi xüsusi beyin çipləri ilə müəyyən əlilliyi olan insanların həyatını asanlaşdırmağı hədəfləyir. Precision hazırda minimal strukturlaşdırılmış beyin implantını gələn il bazara çıxarmağı hədəfləyir və bu mövzuda mühüm klinik sınaqlar aparır.
Qeyd edək ki, bu günlərdə Elon Musk-ın Neuralink şirkəti də gündəmdədir. Bilməyənlər üçün bildirək ki, Elon Musk tərəfindən qurulan Neuralink şirkəti uzun müddətdir ki insan beynini kompüterlərlə birləşdirəcək infrastruktur hazırlayır. İnsanları süni neyron şəbəkələri ilə kompüter, robot və ya digər elektron məhsulları idarə edə biləcək səviyyəyə çatdırmaq üçün çalışan şirkət, beyin/maşın əlaqəsi üçün “Link” adlı məhsuldan istifadə edir. Link xüsusi hazırlanmış, çox həssas robotla insan kəlləsinə inteqrasiya olunur. Buradan beyin siqnallarını toplayan və onları başqa elektron cihazlara ötürə bilən Link, Elon Musk tərəfindən FitBit məhsuluna bənzədilir. İndi isə Neuralink rəqibi olan Precision Neuroscience 4096 elektrodla rekord qıraraq Elon Musk-ın layihəsini qabaqlamağı düşünür.