NASA, indi dəyərli nümunələri Marsdan Yer planetinə göndərmək üçün yeni yol axtarmağa başlayıb. Qeyd edək ki, əldə edilən nümunələr milyonlarla il bundan əvvələ aid bir gölün yerləşdiyi Jesero Kraterində toplaşıb. Məhz bu nümunələrin planetimizə göndərilməsi isə Nasa-nın ən mühüm elmi məqsədlərindən birinə çevrilib. Nasa düşünür ki, qırmızı planetdən əldə edilən dəyərli nümunələr laboratoriyalarda araşdırıldıqdan sonra Mars haqqında vacib məlumatları ortaya çıxaracaq.
Nasa rəsmiləri tərəfindən bu gün verilən açıqlamada, bu nümunələrin hətta Marsda yaşam olub-olmadığını da müəyyən edə biləcəyi bildirilib. Qeyd edək ki, Nasa əslində Marsdan planetə daha əvvəldə bəzi nümunələr göndərmək üçün plan hazırlayıb. Lakin bu plan artıq təkrarlanan gecikmələr və maliyyə problemi baxımından yararsız hesab olunur. Belə ki, Nasa-nın mövcud planı ilə dəyərli nümunələri planetə gətirmək 11 milyard dollara başa gələcək və 2040-cı ilə qədər vaxt tələb olunacaq.
Nasa indi Marsdan dəyərli nümunələri planetə göndərmək üçün yeni yol axtarır. Bundan əlavə qeyd edək ki, Nasa hazırda qırmızı planetdə yerləşən Jesero Kraterinə kosmik gəmi göndərməyi düşünür. Lakin yenə də agentliyin əsas məqsədi mövcud xərcləri azaltmaq və nümunələri ən tez vaxtda planetimizə çatdıra bilməkdir. Əgər bunun üçün yeni yol tapılarsa Qırmızı planetin bütün sirləri artıq aşkar edilə bilər.
