Bildiyimiz kimi, mövcud roket sistemləri ilə Marsa getmək ən azı 9 ay çəkir. Bununla belə, NASA plazma partlayışları yaratmaq üçün nüvə enerjisindən istifadə edən hərəkətverici sistem üzərində işləyir. Ümumiyyətlə, bir sivilizasiyanın uzaq planetlərə kosmos səyahətini öhdəsinə götürməsi üçün həm yükləri, həm də insanları səmərəli və sürətli şəkildə daşımaq qabiliyyəti olmalıdır. Kosmos səyahətində çox böyük məsafələr olduğundan, kosmik gəmilər məqbul missiyanın tranzit müddətləri üçün yüksək sürətə çata bilməlidir. Təbii ki, bunun üçün yüksək təkan verən bir hərəkət sistemi tələb olunur. Belə bir texnologiya hazırda mövcud deyil, lakin NASA Mars planetinə 2 ayda gedə biləcək plazma raketi hazırlayır.
NASA-nın Innovative Advanced Concepts (NIAC) proqramı bu yaxınlarda potensiallı bir sıra layihələri seçmişdi. Seçilmiş layihələrdən biri də məhz plazma raketidir. NASA bildirir ki, Pulsed Plasma Rocket (PPR) adlanan hərəkət sistemi 5000 saniyəlik xüsusi impuls (Isp) və 22.481 funta (100.000 Nyuton) qədər güc yarada bilir. Hazırda NASA tam olaraq bu sistem üzərində işləyir. Əgər bütün proses uğurlu olarsa NASA 2 aya Mars planetinə plazma raketi ilə səyahətlər həyata keçirə bilər. Şirkətin məlumatına görə, impulslu plazma raketi daha qısa müddətdə yüksək sürətə çatmaq və hərəkət üçün plazma paketləri istehsal etmək üçün nüvə parçalanmasından istifadə edəcək. Bu sistem ilkin olaraq Pulsed Fission Fusion (PuFF) konsepsiyasından əldə edilib, lakin daha kiçik, daha sadə və daha qənaətcil miqyasda kiçildilib.
PPR-nin yüksək İSP və yüksək gücü birləşdirən qeyri-adi performansı kosmos tədqiqatlarında inqilab etmək potensialına malik ola bilər. Bildirilir ki, sistemin yüksək effektivliyi insanla Marsa səfərlərin cəmi 2 aya tamamlanmasına imkan verəcək. Beləliklə, plazma raketi ilə indi daha Marsa həm tez çatmaq mümkün olacaq, həm də səyahətlər daha etibarlı olacaq.
