Mercedes şirkəti elektromobillərin gövdəsinə tətbiq oluna bilən fotovoltaik günəş boyası hazırlayıb. Belə ki, yeni hazırlanan bu boya sayəsində avtomobilin bütün korpusu elektrik enerjisi istehsal edən günəş panelinə çevrilir.
Avtomobillərin günəş panelləri ilə örtülməsi ideyası çox köhnə olsa da, panellərin quraşdırılmasının bahalığı və çətinliyi səbəbindən bu günə qədər reallığa çevrilməyib. Mercedes isə bu ideyanı fərqli üsulla həyata keçirməyi planlaşdırır. Alman avtomobil istehsalçısı bu ideyaya keçən həftə Almaniyanın Sindelfingen şəhərindəki Ar-Ge mərkəzində keçiriləcək texnologiya sərgisində işarə edib. Fotovoltaik material avtomobilin üzərinə məcun kimi cəmi 5 mikron qalınlığında, insan saçından daha nazik təbəqədə tətbiq olunur.
Orta ölçülü yolsuzluq avtomobilinin hər bir kuzov panelini bu materialla örtməklə, günəş panellərindən belə səmərəli nəticə əldə etmək mümkündür. Mercedes, bu boya sayəsində Los-Anceles kimi günəşli bölgələrdə gündəlik avtomobil sürmənin tamamilə günəş enerjisi ilə təmin edilə biləcəyini bildirir. Günəş enerjisi ilə Los-Ancelesdə ildə 20.000 km, Ştutqartda isə 12.000 km yol qət etmək mümkündür. Mercedes fotovoltaik günəş boyası barədə ətraflı məlumat verməsə də, onun sadəcə nadir torpaq elementləri və silikondan təmizləndiyini və asanlıqla əldə oluna bilən, toksik olmayan xammala əsaslandığını bildirir.
