ABŞ Federal Ticarət Komissiyası, “Microsoft”un monopoliya olub-olmadığını müəyyən etmək üçün ona qarşı araşdırma aparmağa başlayıb və şirkət “inhisarçı” elan edilə bilər. Bu çərçivədə şirkətin bəzi şöbələri qiymətləndiriləcək.
Ümumiyyətlə, son illərdə bir çox texnologiya nəhəngləri rəqabət narahatlığı səbəbindən tənzimləyici qurumların əzyiqi ilə üzləşiblər. Bunun ən yaxşı nümunəsi kimi Google şirkətini göstərə bilərik. Belə ki, Yayda verilən qərarla texnologiya nəhəngi ABŞ-da rəsmi olaraq monopoliya elan edilib. Bu qərar şirkətin bir çox köklü dəyişikliklərə məruz qalması ehtimalını təsdiqləyib. İndi isə ABŞ Federal Ticarət Komissiyası Microsoft-a qarşı antiinhisar araşdırmasına başlayıb. Şirkət son illərdə antiinhisar yoxlamasına məruz qalan 5-ci texnologiya nəhəngi olub.
Bu çərçivədə tənzimləyici, şirkətin bulud və proqram təminatının lisenziyalaşdırma sahələrini, kiber təhlükəsizlik xidmətlərini və süni intellekt xidmətlərini araşdıracaq. Microsoft-un tərəfdaşları və rəqibləri ilə yüzlərlə səhifəlik müsahibələr FTC tərəfindən yoxlanılacaq. Məsələn, Azure bulud xidmətləri diqqət mərkəzində olacaq. Belə ki, qurum Microsoft-un bulud məhsullarına təsir edən son təhlükəsizlik zəifliyi insidentləri səbəbindən bu məsələyə diqqət yetirməyi düşünür. Microsoft-un ABŞ hökumətinə bağlı qurumların ən böyük müştərilərindən biri olması da araşdırılması üçün mühüm səbəbdir. Bu araşdırma nəticəsində Microsoft FTC tərəfindən məhkəməyə verilərsə, ciddi ittihamlar ilə üzləşə bilər. Hətta Microsoft Google şirkəti kimi inhisarçı elan edilə bilər.
