Bu dəfə materialşünaslar öz sahələrində inqilabi yenilik edərək betonu elektrik keçirici etməyin yolunu tapıblar. Belə ki, beynəlxalq alimlər qrupu 3D çapda istifadə edilən betona qrafen oksidin əlavə edilməsinin betona elektrik keçiriciliyini verdiyini və onun gücünü 10 faizə qədər artırdığını aşkar edib. Habelə bu yenilik evlərin əsasını təşkil edən betonun sağlamlığını ölçməyə də kömək edə bilər. Hətta ağıllı evlər artıq sadəcə evdəki işıq, qaz və cihazları deyil betonu da nəzarət atında tuta bilər. Hətta alimlər düşünür ki, yeni metod ilə betonların içərisindəki çatlaqları da aşkar etmək mümkün ola bilər.
İlk olaraq alimlər qrafen oksidi 3D çap üçün istifadə olunan sementlə qarışdırıblar. Müxtəlif sınaqlar zamanı alimlər qrafen oksidi sementə sadəcə onun kütləsinin 0.015%-i qədər əlavə ediblər. Yekun olaraq isə onlar betonun dayanıqlılığının 10% artdığını və betonun elektrik keçirici olduğunu müşahidə ediblər. Bu yenilik isə tikinti sahəsinə çox perspektivli imkanlar açır. Ümumiyyətlə hazırda təbii fəlakətlərin qarşısını alə bilmək üçün və evləri dayanıqlı hala gətirmək üçün yeni tikinti metodları axtarılır. Yaponlar öz regionlarında zəlzələyə davamlı və hidrolik sistem əsasında qurulan binalar ilə yeni metodlarını müəyyən etsə də, digər bölgələrdə hələ də təhlükələr davam edir.
Onu da qeyd edək ki, betonu elektrik keçirici etmək üçün sadəcə qeyd olunan nisbətdə yəni 0.015 nisbətində qrafen oksid əlavə etmək lazımdır. Bu nisbətdə biraz çox qrafen oksin əlavə etdikdə isə betonun gücü və möhkəmliyi azalır. Additive Manufacturing Letters jurnalında dərc olunan araşdırma gələcəkdə daha fərqli binaların tikiləcəyindən bir daha xəbər verir.
