Analitiklər qrupu NASA-nın nümunələri Marsdan qaytarmaq missiyasının cari xərclər və cədvəl gözləntiləri ilə bağlı bir sıra problemlərə görə qeyri-mümkün olduğu qənaətinə gəlib. Yeni hesabat, missiyanın tam dəyərinin agentliyin 2020-ci ildə gözlədiyindən qat-qat çox olacağını göstərir. Belə ki, nəticədə bir çox elmi tədqiqat qrupu NASA-nın Marsdan nümunə gətirmək planı fantastikadır deyə qənaətə gəlib.
Bu NASA missiyası 2028-ci ilə qədər Qırmızı Planetə göndərilməsi planlaşdırılan orbiter, eniş modulu, iki helikopter və bir raket də daxil olmaqla bir çox kosmik gəmini əhatə edir. Bununla belə, hesabatda deyilir ki, eniş modulu və orbiterin həmin vaxt çərçivəsində buraxılışa hazır olması ehtimalı demək belə olar ki, sıfırdır. Mütəxəssislər agentliyə 2030-cu ili daha real buraxılış tarixi kimi nəzərdən keçirməyi tövsiyə edirlər. Bundan əlavə, belə bir əməliyyatın dəyəri 8-11 milyard dollar arasında qiymətləndirilir, lakin NASA-da hesablandığı kimi heç bir halda 7 milyardlıq büdcə real görünmür. Beləliklə, büdcə belə marsdan nümunə gətirmək planının uğursuz ola biləcəyini göstərir.
MSR (Marsdan Nümunənin Qaytarılması) missiyasının strateji və yüksək elmi dəyəri analitirklərin iddiasına görə ictimaiyyətinə adekvat şəkildə çatdırılmır. Digər bir tərəfdən nümunələrin də təkrar yerə qaytarılması məchulluq baxımından şübhə yaradır və etimadı sarsıdır. NASA MSR missiyasının büdcəsini və cədvəlini idarə etməkdə artıq problemlərlə üzləşib, ona görə də may ayında missiya planını təsdiq etməzdən əvvəl texniki, xərc və qrafik planlarını qiymətləndirmək üçün təkrar araşdırmaların vacib olduğu vurğulanır.
Ümumilikdə MSR missiyasının varlığı belə tədqiqatçılarda reallaşma baxımından qəribə görünür. Missiyanın həyata keçməsi üçün marsdan nümunələrin göndərilməsi prosesinin uğursuz nəticələnmə ehtimalı çox böyükdür ki, bu zaman missiya üçün ayrılacaq böyük məbləğ də uğursuzluqla nəticələnə bilər.
