Alimlərə görə, “infraqırmızı işıq”-ın beyin və bağırsaqda eyni vaxtda istifadəsi xroniki stressin təsirlərini azalda bilər. Belə ki, Fotobiomodulyasiya (PBM) lazerlərdən və ya LED-lərdən işıq istifadə edən qeyri-invaziv bir üsuldur. Əvvəllər ürək xəstəlikləri də daxil olmaqla müxtəlif xəstəliklərin müalicəsində istifadə edilən bu üsulun indi stressdən qurtulmağa kömək etdiyi aşkar edilib.
Barselona Universitetinin tədqiqatçıları, bu metodun xroniki stressin təsirlərini azalda bilib-bilmədiyini görmək üçün eyni vaxtda baş və bağırsaqda FBM istifadə ediblər. Tədqiqatçılar erkək siçanlar üzərində eksperimentlər aparıblar və onlara FBM müalicəsini Fransanın medtech şirkəti REGEnLIFE-dən bir cihazdan istifadə edərək tətbiq ediblər. Bu texnologiyaya modul dəbilqə, eləcə də qarın nahiyəsinə yerləşdirilən ekran daxildir. Cihaz yaxın infraqırmızı işıq göndərə bilir və həmçinin maqnit sahəsindən istifadə edir.
Subyektlər altı dəqiqə, həftədə beş gün, üç həftə ərzində FBM ilə müalicə olunub. Maraqlısı budur ki, bu metod sonda xroniki stressin səbəb olduğu idrak əlamətlərinin qarşısını ala və ya azalda bilib. Bundan əlavə, FBM bağırsaqlarda müəyyən stress səbəb olan bakteriyaların səviyyəsini bərpa etməyə kömək edib. Xatırladaq ki, REGEnLIFE əvvəllər bu cihazı Alzheimer xəstələri üzərində uğurla sınaqdan keçirmişdi. Eyni zamanda, baş üzərinə işıq saçaraq tətbiq edilən transkranial FBM psixoloji pozğunluqların müalicəsində də ümidverici nəticələr göstərib. Hələlik isə bu üsulun sadəcə stressi azaltdığı ortaya çıxarılıb.
