Dünyanın ilk ikibaşlı külək turbini Ocean X, Çində MingYang Smart Energy tərəfindən istehsal edilib və hazırda 30 min evə elektrik enerjisi təmin edəcək. Qeyd edək ki, 16 Mvt-dan çox elektrik istehsal etmək bacarığına sahib olan bu turbin Çinin Guangdong sahillərində quraşdırılıb.
“Dünyanın ən böyük üzən külək platforması” kimi tanınan Ocean X üçün şirkət, 2020-ci ildə ilk addımı atmışdı. İllərlə davam edən sınaqlardan sonra isə indi tam miqyaslı ikibaşlı külək turbini olan Ocean X dənizdə sahildən 70 km məsafədə işə salınıb. Ocean X-də V formalı qüllənin üzərində yerləşdirilmiş 8,3 MVt gücündə iki turbin var. Bu innovativ dizayn ümumi gücü 16,6 MVt olaraq təklif edir. Turbinin hündürlüyü 219 metr, qanadlarının uzunluğu isə 369 metrdir. Ocean X-in illik enerji istehsal gücü 54.000 MVt/saat olaraq qiymətləndirilir. Bu, 30.000 ev üçün kifayət qədər təmiz enerji deməkdir.
Mingyang, OceanX platformasındakı körpülərdə tez-tez gördüyümüz kabel bağlama sistemindən istifadə edir. Bildirilir ki, bu kabel çəkmə üsulu yükün ötürülməsini asanlaşdırır və qüllə strukturunun daha yüngül olmasına şərait yaradır. İstehsalın səmərəliliyini artıran və son dərəcə ağır tayfun şəraitində son yükü azaldan V formalı qüllə dizayn platforması asan giriş üçün həm liftə, həm də pilləkənlərə malikdir. Bundan əlavə, OceanX-in təxminən 16500 ton ağırlığında olduğu və ən azı 35 m dərinlikdəki sularda işləmək üçün nəzərdə tutulduğu bildirilir.
