Yeni iddiaya görə, Apple iPhone 17 seriyası ilə bütün smartfonların qiymətlərini artıracaq. Bildiyimiz kimi, Apple sentyabr ayında keçirilən tədbirdə iPhone 16 ailəsini təqdim etmişdi. Bu il təqdim edilən smartfon seriyasında qiymət cəhətinən heç bir artım görmədik. Belə ki, cihazlar yenidən 799 dollardan başlayan qiymətlər ilə təqdim edilmişdi.
Lakin bu gün ortaya çıxan məlumata görə, Apple gələn il iPhone 17 seriyası ilə smartfonların qiymətlərini artırmağı düşünür. JukonIosreve adlı istifadəçinin sözlərinə görə, Samsung-dan olan analitik Apple-ın gələn il qiymətləri qaldıra biləcəyini bildirib. Açıqlamaya görə, Apple-ın bu il normal olaraq təqdim etdiyi iPhone 16 modelləri ilə qiymətləri artıracağı gözlənilirdi. Lakin şirkət bunu etməyərək cihazlarını yenidən standartda 799 dollardan və Pro-da 999 dollardan başlayan qiymətlərlə təqdim etdi. Məhz bu səbəbdən də şirkətin ilin 3-cü rübündən bəri mənfəət marjasının azaldığı bildirilir.
İddialara görə, şirkət gələn il növbəti seriyaların qiymətlərini birbaşa artıracaq. Təəssüf ki, artımın nə qədər olacağı barədə məlumat yoxdur. Təbii ki, qeyd etmək lazımdır ki, bu iddiadır və hələlik rəsmi mənbədən açıqlama yoxdur. Əgər bir proqnoz verə bilsək, Apple-ın 100 dollar aralığında qiymət artımı etdiyini görə bilərik. Bu halda standart model 899 dollara satılacaq. Pro modellər isə 1099 və 1299 dollara yüksələ bilər. Apple gələn il iPhone-larda böyük dəyişikliklər edəcək. Bunlardan biri Plus-ı seriyadan çıxarmaq və onu ultra nazik dizaynlı “Air” modeli ilə əvəz etməkdir. Hətta bu modelin sırf dizaynına görə Pro Max modelindən belə baha olması gözlənilir.
