Alimlər litium əsaslı batareyalardan iki dəfə çox enerji saxlayan su batareyası hazırlayıblar. Beləliklə, Çinli alimlər bir daha yeniliyə imza atmağı bacarıblar. Çinlilər bu dəfə batareya tərəfindən yenilik edib. Tədqiqatçıların fikrincə, bu yeni batareya növü elektrik avtomobillərində də istifadə oluna bilər.
Yeni su batareyası litium batareyalardan iki dəfə çox enerji saxlamaqla yanaşlı həm də təhlükəsizdir. Belə ki, yeni batareya növu tez alışan litium batareyalardan daha etibarlıdır. Nature Energy-də dərc edilən araşdırmaya görə, yod və brom əsaslı su ilə hazırlanmış bu batareya ənənəvi litium batareyaların 700Wh/L ilə müqayisədə litr başına 1200 vatt-saat (Wh/L) enerji sıxlığına malikdir. Tədqiqatçılar bildirirlər ki, onların bu kəşfi yüksək enerji sıxlığı və təhlükəsiz təkrar doldurulan su əsaslı batareyaların yeni nəslinin inkişafı üçün perspektivli potensial göstərir.
Bu gün avtomobillərdən tutmuş smartfonlara qədər geniş çeşiddə məhsullarda istifadə edilən litium batareyalara yüksək enerji sıxlığı ilə üstünlük verilir. Bununla belə, ənənəvi litium batareyaların doldurulmasına və boşalmasına imkan verən bir komponent olan elektrolit yüksək alovlanma qabiliyyəti ilə risk faktoru olmağa davam edir. Su əsaslı elektrolitdən ibarət “sulu batareyalar” isə eyni təhlükəsizlik risklərini daşımır. Tədqiqatçılar qeyd edirlər ki, 200Wh/L-dən aşağı olan mövcud su əsaslı batareyalar litium batareyaları ilə müqayisədə daha az enerji sıxlığına malikdir. Bu, bu tip batareyaları yalnız geniş miqyaslı istifadə üçün uyğun edir.
