Massaçusets Texnologiya İnstitutunun tədqiqatçıları heç bir elektrik eenrjisi və ya filtr olmadan havadan içməli su istehsal edə bilən cihaz hazırlayıblar. Cihaz gələcəkdə su çatışmazlığı olan yerlərə kömək edə bilər.
Ümumiyyətlə, suya çıxış bütün dünyada ciddi problem olduğundan elm adamları bu mövzuda daim yeni araşdırmalar aparırlar. Havadan su hasil etmək onlardan biridir. İndiyə qədər çoxlu müxtəlif üsullar görmüşük. İndi belə bir təməlqoyucu tədqiqat ABŞ-da Massaçusets Texnologiya İnstitutunun (MIT) tədqiqatçıları tərəfindən hazırlanmışdır. MIT tədqiqatçıları havadan su çıxara bilən yeni bir cihaz hazırladıqlarını açıqladılar. Yeni hazırlanmış cihaz çox kiçik ölçüləri və gücə və filtrlərə ehtiyac olmadan birbaşa havadan su çıxara bilməsi ilə böyük diqqət çəkir. Tədqiqatın nəticələri bu yaxınlarda Nature Water-da dərc edilib.
Komandanın passiv atmosfer su kollektoru havadan su buxarını uda bilən şaquli hidrojel panelindən istifadə edir. Təbii ki, hidrogeldən istifadə bu cür cihazlarda birinci deyil. Buna bənzər su istehsalçılarını əvvəllər də görmüşük. Lakin MİT tədqiqatçıları bu cihazda əvvəlkilərdən fərqli üsullardan istifadə edərək daha təsirli bir cihaz yaratmağa və əvvəlki problemləri həll etməyə nail olublar. Hidrojel suyu udduğu zaman kiçik qübbəyə bənzər dizaynı olan qabarcıqlı neylon təbəqəyə bənzəyəcək şəkildə qəliblənmişdir. Beləliklə, daha çox səth sahəsi və daha çox su buxarını udma qabiliyyəti təmin edilir. Qeyd etmək lazımdır ki, bu material polimer filmlə örtülmüş bir şüşə təbəqə ilə çərçivəyə salınmışdır. Cihazın forması pəncərələrə bənzəyir. Sınaqlar 2023-cü ilin noyabrında Kaliforniyada suya çıxışın çətin olduğu səhraya bənzər ərazidə aparılıb. Nəticələr göstərir ki, cihaz gündə 57 ilə 161,5 ml arasında içməli su istehsal edə bilir. Ən quraq şəraitdə heç bir filtr və güc tələb etmədən bunu edə bilməsi böyük nailiyyətdir. Tədqiqatçıların məqsədi daha yüksək tutumlu cihazlar hazırlamaq və onları su qıtlığı olan bölgələrdə yerləşdirmək və susuzluq probleminin həllinə töhfə verməkdir.
