Voodin Blade Technology dünyanın ilk taxta külək turbini qanadlarını Almaniyada hazırladığını və hətta quraşdırdığını elan edib. Yeni qanadlar mövcud külək türbini qanadlarının ətraf mühitə təsirini əhəmiyyətli dərəcədə azalda bilər. Ümumiyyətlə, biz bərpa olunan enerjini “yaşıl” adlandırsaq da, bu, tam olaraq belə deyil. Küləkdə enerji əldə etmək üçün qurulan türbinlər və bunların istehsalında hələ də ətraf mühitə zərərli komponentlər istifadə olunur.
Bununla belə, Voodin Blade Technology adlı bir startap dünyada ilk dəfə Almaniyada taxta külək turbini qanadlarını quraşdıraraq onları biraz daha “yaşıl” edib. Voodin tərəfindən edilən açıqlamada, 19,3 metrlik taxta qanadların Almaniyada mövcud bir turbinə quraşdırıldığı ifadə edilib. Şirkət həmçinin bildirib ki, bunlar dünyanın ilk taxta külək turbini qanadlarıdır. Cari hesabatlara görə, turbinlərin 85-95 faizi mahiyyətcə təkrar emal edilə bilər, lakin onların qanadlarını adətən istifadə etdikləri qatran növünə görə təkrar emal etmək çətindir.
Voodin Blade Technology şirkətinin baş direktoru Tom Siekmann bildirir ki, qanadların əksəriyyəti öz həyat dövrünün sonuna çatdıqda yandırılır və ya basdırılır. Şirkət deyir ki, bu taxta qanadlar tikinti zamanı 78 faizdən az CO2 emissiyası yaradır və istehsal xərclərini 20 faiz azaldır. Baş direktorun sözlərinə görə, bu templə davam etsək, 2050-ci ilə qədər 50 milyon ton külək türbini qanadı tullantıları ilə üzləşəcəyik. Bu problemləri aradan qaldırmaq üçün Voodin, minimal karbon izi ilə möhkəm və yüngül komponentlər təqdim edə biləcəyini iddia etdiyi bir material olan laminat örtüklü taxtadan hazırlanmış turbin qanadlarını istehsal edir.
