Financial Times-ın araşdırması müəyyən edib ki, London və ya Los-Anceles kimi yerlərdə oğurlanan iPhone-ların çoxu Çində eyni bir binada toplanırmış. Belə ki, ki eyni binada cəmlənən bu iPhone-lar sökülmək və ya yenidən satılmaqla əldən çıxarılırmış.
Küçədə iPhone 15 Pro-su oğurlanan qurban, Çinin Şençjen şəhərində yerli əhalinin “oğurlanmış iPhone-ların evi” adlandırdığı yerə qədər cihazı 6000 mildən (9500 kilometr) çox məsafədə izləyə bilib. Rəsmi olaraq Feiyang Times kimi tanınan bina yeni iPhone-ları təmir etmək və ya almaq üçün yer kimi tanınır, lakin Financial Times-a görə oğurlanmış cihazlar bazarı kimi də məşhurdur. Burada satılan cihazların çoxu qanuni mənşəlidir, yəni, qərb ölkələrindən olan istehlakçılar yeni modellər alarkən onları mağazalara və ya mobil operatorların satış məntəqələrinə təhvil veriblər. Lakin oğurlanan və ya başqa cinayət üsulları ilə əldə edilən cihazlar da bura axın edir. Bu, ziyarətçilərin kilidlənmiş cihazlarla məşğul olmağa hazır olduğu bir neçə yerdən biridir – binada bu cür cihazlar üçün tam hüquqlu bir bazar var.
Londonda yaşayan Sem Amraninin hekayəsin sizə danışaq. Bir gün Sem-in telefonu iki naməlum şəxs tərəfindən oğurlanıb və onlar elektrikli velosipedlər ilə sürətlə uzaqlaşmağı bacarıblar. Bununla belə, Amrani Phone-un hərəkətlərini izləyib. Cihaz əvvəlcə Londonda mobil telefon təmiri sexinin yerləşdiyi yan küçəyə daxil olub. Daha sonra bir neçə dəfə yaxınlıqdakı ünvanlara gedib. Bir həftə sonra iPhone Honq-Konqun Kowloon rayonunda peyda olub və sonra sürətlə Shenzhenə yəni, Feiyang Times binasına gətirilib. Kilidi açılmış smartfonlar qara bazarda daha qiymətli hesab edilir. Bununla belə, kilidli iPhone-ların bütün hissələri alıcılar üçün möhtəşəm imkandır. Avropa və ABŞ üçün istehsal olunan cihazların satıcıları deyirlər ki, cihazların onlara necə keçdiyi barədə heç bir təsəvvürü yoxdur. Bəzən oğurluq və quldurluq qurbanları iMessage vasitəsilə mesajlar alırlar.
iPhone itirilmiş və ya oğurlanmış kimi təyin edildikdə, ekranda əsl sahibinin telefon nömrəsi və ya e-poçt ünvanı görünə bilər. London sakini Sam Amrani ilə bağlı insidentdə cinayət şəbəkəsinin üzvləri ona mesaj göndərərək cihazın sökülməsi üzərində işlədiklərini bildiriblər. Onlar hədələyiblər ki, kilid qaldırılmasa, iPhone-un anakartı başqalarının əlinə keçəcək və onlar cihazı sındıra və kredit kartı məlumatlarını və ya ailə əlaqələrini oğurlaya bilərlər. Təcrübədə kilidlənmiş cihazdan şəxsi məlumatları əldə etmək qeyri-mümkündür, lakin bu təhdid texnologiyadan xəbəri olmayan bir istifadəçini qorxutmaq üçün kifayət qədər inandırıcı görünə bilər. Apple-ın təhlükəsizlik tədbirləri oğurlanmış iPhone bazarını azaltmağa çox kömək edib, lakin bu hadisənin göstərdiyi kimi, tələbi tamamilə aradan qaldırmaq mümkün deyil.
