Müasir dövrdə asteroidlərdən qorunmaq üçün müxtəlif həll yolları daim araşdırılır. Bu həll yolları arasında ən effektiv vasitə isə kosmik aparatlardan və.s yararlanmaqdır. Belə bir üsulun varlığı uzun müddət insanlığa məlum olsa da praktikada potensial olaraq nə qədər effektiv olacağı daim sual altında olmuşdur. NASA bu suala dəqiq cavab tapmaq üçün ötən gecə maraqlı bir təcrübə keçirib. Dimorph adı verilmiş asteroid ilə, DART kosmik aparatı toqquşdurulub.
DART Kosmik aparatı ilə asteroidin toqquşdurulması sınağı uğurla nəticələnib
NASA tərəfindən DART olaraq adlandırılan kosmik aparat öz adını Doubler Asteroid Redirection Test sözlərinin baş hərflərindən alır. Kosmik aparatın əsas məqsədi Yer üçün təhlükə yarada biləcək asteroid və ya fərqli obyektlərin trayektoriyasını dəyişməkdir. Bəziləri asteroidin bu üsulla partladıldığını, məhv edildiyini düşünsə də fikirlərinizin yanlış olduğunu qeyd etməliyik.
Missiya çərçivəsində DART kosmik aparatı Dimorph və Didymus adlı ikili asteroid sistemini hədəf alıb. Didymus nisbətən böyük olduğu üçün, Dimorph-u hədəf alan NASA bu asterodi öz trayektoriyasından çıxarmağa çalışıb. Müqayisə üçün qeyd edək ki, Dimorf asteroidi 160 metr diametrə sahib olduğu halda, Didymus isə 780 metr diametrə sahibdir. Nəticə etibarilə DART kosmik aparatı 24 min km/s sürətlə Dimorph ilə toqquşdurulub.
Sınaq isə uğurla başa çatıb. Gecə saat 03:14-də tamamlanan toqquşma ilkin hesablamalara görə asteroidin trayektoriyasında dəyişiklik yaratmaq üçün işə yarayıb. Özündən daha böyük Didymus ətrafında fırlanan Dimorph 11 saat 55 dəqiqə olan periodunu 10 dəqiqə daha tez tamamlayır. DART kosmik aparatı ilə asteroid arasında olan toqquşma isə aparata quraşdırılmış DRACO kamerasıyla toqquşma anına qədər fotoya alınıb.
10 dəqiqə sizə az bir müddət kimi görünsə də bu missiya üçün 73 saniyəlik bir yerdəyişmə belə uğurlu hesab ediləcəkdi. Bu sınaq gözləniləndən xeyli yaxşı nəticə verdiyi üçün gələcəkdə daha böyük və təhlükə potensialı olan asteroidlərin bənzər üsulla öz trayektoriyasından çıxarılması mümkün görünür.
