Çin hidroenergetika sahəsində yeni rekorda imza atıb. Datang Zala Su Elektrik Stansiyası üçün hazırlanmış və tamamilə yerli texnologiya ilə istehsal edilən dünyanın ən böyük tək çıxışlıhidroturbini təqdim edilib. 500 MVt gücündə olan bu nəhəng turbinlərin hər birinin çəkisi 88 tondur və tikintisi dörd il çəkib. Beləliklə, Çin dünyanın ən gücıü 500 MVt-lıq dünyanın ən güclü hidroturbinini nümayiş etdirərək diqqətləri cəlb edib.
Çinin şimal-şərqində yerləşən Harbin Electric Machinery Company tərəfindən istehsal olunan turbin çərşənbə günü zavoddan çıxıb və Tibet Muxtar Bölgəsindəki Yuqu çayının sahilindəki elektrik stansiyasına göndərilib. Həmin ərazidə daha bir turbin quraşdırılacaq. Çinin şimal-şərqində yerləşən Harbin Electric Machinery Company tərəfindən istehsal olunan turbin çərşənbə günü zavoddan çıxıb və Tibet Muxtar Bölgəsindəki Yuqu çayının sahilindəki elektrik stansiyasına göndərilib. Həmin ərazidə daha bir turbin quraşdırılacaq. Şirkətin texniki direktoru Tao Xingming bildirib ki, edilən texnoloji təkmilləşdirmələr turbinin səmərəliliyini əhəmiyyətli dərəcədə artıracaq
Tao qeyd edib ki, “500 MVt gücündə bir turbinin sutkada 24 saat işləməsi halında səmərəliliyin 1,6% artması gündə əlavə 190 min kVt/saat elektrik enerjisi istehsalı deməkdir”. Bu təkmilləşdirmə ilə elektrik stansiyasının ümumi səmərəliliyi 91%-dən 92,6%-ə yüksələcək. China Datang Corporation tərəfindən hazırlanmış Zala elektrik stansiyası tamamlandıqdan sonra 1 milyon kVt quraşdırılmış gücə sahib olacaq. İllik elektrik enerjisi istehsalının təqribən 4 milyard kilovatsaat olacağı gözlənilir. Bu, ildə 1,4 milyon ton standart kömür yandırmağa bərabər enerji istehsalı deməkdir. Bundan əlavə, təxminən 3,7 milyon ton karbon qazı emissiyasının qarşısı alınacaq. Zavodun əsas tikintisinə 2023-cü ildə başlanılıb və 2028-ci ildə istismara verilməsi planlaşdırılır. Zala layihəsi Çinin bərpa olunan enerji potensialını artırmaq üçün daha geniş strategiyasının bir hissəsidir. Pekin 2060-cı ilə qədər karbon neytral olmaq məqsədinə uyğun olaraq 2020-ci ildən bəri bənd və enerji saxlama layihələrini sürətləndirib.
Ümumiyyətlə, beynəlxalq Hidroenergetika Assosiasiyasının (IHA) məlumatına görə, Çin 421 GVt quraşdırılmış gücü ilə hidroenergetika sahəsində qlobal liderdir. Keçən il təkcə Şərqi Asiya və Sakit Okean regionunda 15 QVt yeni hidroenergetika gücü əlavə edilib ki, bunun da 8 QVt-ı nasosla yığılan saxlama sistemlərindən əldə edilib. Çində hazırda tikilməkdə olan və ya təsdiqlənmiş 200 GVt-dan çox nasoslu saxlama gücü var və 2030-cu ilə qədər 120 GVt hədəfi keçərək 130 GVt-a çatacağı gözlənilir. Bu sistemlər günəş və külək enerjisini balanslaşdırmaq üçün vacibdir.
